«نۇر وتان» حدپ قوستاناي وبلىستىق فيليالى جانىنداعى سىبايلاس جەمقورلىققا قارسى كۇرەس جونىندەگى قوعامدىق كەڭەس وتىرىسىندا وبلىستىق ىشكى ءىستەر دەپارتامەنتى مەن ونىڭ ءبولىمشەلەرىندە 2011-2012 جىلدارى جانە بيىلعى 7 ايداعى سىبايلاس جەمقورلىققا قارسى كۇرەس جۇمىستارىنىڭ بارىسى قارالدى.
«نۇر وتان» حدپ قوستاناي وبلىستىق فيليالى جانىنداعى سىبايلاس جەمقورلىققا قارسى كۇرەس جونىندەگى قوعامدىق كەڭەس وتىرىسىندا وبلىستىق ىشكى ءىستەر دەپارتامەنتى مەن ونىڭ ءبولىمشەلەرىندە 2011-2012 جىلدارى جانە بيىلعى 7 ايداعى سىبايلاس جەمقورلىققا قارسى كۇرەس جۇمىستارىنىڭ بارىسى قارالدى.كوپشىلىك پوليتسەيلەردى ءتارتىپ ساقشىلارى دەپ بىلەدى. دەگەنمەن, پوليتسەيلەردىڭ قىزمەت بابىن «بارماق باستى, كوز قىستى» ارەكەتكە پايدالانۋى جانە ءتارتىپ بۇزۋى بىلاي تۇرسىن, ءىرى قىلمىستارعا جول بەرۋى ولارعا قاتىستى قوعامنىڭ, ادامداردىڭ تىنىشتىعىن كۇزەتەتىن, مەملەكەت مۇددەسىنە ادال جاندار دەگەن ءتۇسىنىكتى جوق قىلعانداي بولادى. ءماسەلەن, ۇستىمىزدەگى جىلدىڭ 7 ايىندا پوليتسەيلەر جاساعان 8 قىلمىستىق ءىستىڭ التاۋى سوتقا جىبەرىلگەن. ولاردىڭ بارلىعىنا سىبايلاس جەمقورلىققا بايلانىستى كىنا تاعىلىپ وتىر. وتكەن جىلى وسى مەرزىمدە مۇنداي 5 قىلمىس قارالعان ەكەن. وسىلايشا جىلدان جىلعا پوليتسەيلەردىڭ قىلمىس جاساۋىنىڭ ازايماۋى جۇرتشىلىقتى الاڭداتىپ وتىر. بۇعان دالەل وتە كوپ.
سونىڭ ءبىرى قوستاناي قالاسىنىڭ مامانداندىرىلعان اۋدانارالىق قىلمىستىق سوتى ەسىرتكى بيزنەسى جانە قىلمىستىق پوليتسيا بولىمشەسىنىڭ 10 پوليتسەيىنە قاتىستى ءىستى قاراپ جاتىر. ولار وبلىس كولەمىندە اسا ءىرى كولەمدە گەرويندى ساقتاپ, تاراتىپ وتىرعان. مۇنى بيىلعى ەڭ «دابىرلى» ءىستىڭ ءبىرى دەپ ايتۋعا بولادى. سوندىقتان دا بولسا كەرەك, قوستاناي وبلىسى ءىىد وزىندىك قاۋىپسىزدىك باسقارماسىنىڭ باستىعى ج.اقبەرديەۆ پوليتسەيلەردىڭ ەسىرتكىمەن بايلانىستى قىلمىستىق ءىسىن تەرروريزممەن قاتار قويۋعا بولاتىنىن جاسىرماي ايتتى. سوعان سايكەس سىبايلاس جەمقورلىعى ءۇشىن 34 باسشى پوليتسەي جازاسىن الدى. وزدەرى جول ەرەجەسىن بۇزعانى ءۇشىن 105 پوليتسەي زاڭ الدىندا جاۋاپ بەردى. تارتىپتىك كەڭەستە پوليتسيانىڭ 21 قىزمەتكەرىنە قاتىستى 7 ءىس قارالعان. الايدا, پوليتسەيلەردىڭ ايلىق جالاقىسى ايتارلىقتاي كوتەرىلسە دە, ولاردىڭ اراسىندا پارا الۋ, قىلمىسقا بارۋ وقيعالارى تىيىلماي وتىر. ال ولاردىڭ ءتارتىپ بۇزۋى مەن قىلمىسقا بەيىم تۇرۋى مەملەكەت پەن قوعامنىڭ بولاشاعىنا قاتەر توندىرەرى انىق.
ءنازيرا جارىمبەتوۆا,
«ەگەمەن قازاقستان».
قوستاناي.
