دامير جامالبەكوۆ مۇنايلى اۋدانىندا جەكە ءۇيدىڭ بىرىندە شارباق قوندىرىپ جاتقان كەزدە ەكى مەتر بيىكتىكتەن قۇلاعان. تۋىسقاندارى شۇعىل تۇردە جامباسىنان جاراقات العان ونى وبلىستىق اۋرۋحانانانىڭ قابىلداۋ بولىمىنە جەتكىزەدى, سودان سوڭ تراۆموتولوگيا بولىمشەسىنە اۋدارىلعان.تراۆماتولوگ ماماندار رەنتگەنگە جانە كومپيۋتەرلىك توموگرافياعا تۇسىرگەن سوڭ, ستاتسيونارلىق ەمدەۋگە الۋ جونىندە شەشىم قابىلداعان. جامباس سۇيەگىندە كوپتەگەن جابىق سىنىعى كلينيكالىق دياگنوزى قويىلدى.
-اۋرۋحاناعا تۇسكەن كەزىندە ناۋقاس سول جاق جامباس بۋىنى اۋىرىپ, مازالاي بەرەتىنى تۋرالى ايتقان بولاتىن. بارلىق اناليزدەرى الىنعان سوڭ وبلىستىق اۋرۋحانادا وتا جاساۋ تۋرالى شەشىم قابىلداندى. ارينە, تولىقتاي اياعىنا تۇرىپ كەتۋ ءۇشىن ءبىراز ۋاقىت كەرەك. قالعان ەم-دوم شارالارىن تۇرعىلىقتى مەكەنجايى بويىنشا ەمحانادا جالعاستىراتىن بولادى, دەيدى ەسەت شاحاتباەۆ.
ال دامير جامالبەكوۆتىڭ ءوزى بولسا اق حالاتتى ابزال جاندارعا العىستان باسقا ايتارى جوق. كەز-كەلگەن ۋاقىتتا دارىگەرلىك كەڭەسكە جۇگىنە الاتىنىنا ءدان ريزا.
-قازىر جاعدايىم جاقسى. تولىقتاي جازىلۋىم ءۇشىن ءبىر ايدان استام ۋاقىت كەرەك, سەبەبى وڭالتۋ قاجەت. ەشبىر ادامعا اۋىرسىن دەپ تىلەمەيمىن. ال دارىگەرلەر مەن مەدبيكەلەرگە كەلەتىن بولسام, ولار - كاسىبي ماماندار. وعان كوزىم جەتتى. وتە ۇقىپتى. سول سەبەپتى ولارعا ايتار العىسىم شەكسىز جانە دارىگەرلەرگە قولدارى ءاردايىم جەڭىل بولسىن دەگەن تىلەگىم بار, دەدى ول.
