ا.ايماعامبەتوۆتىڭ ايتۋىنشا, سوڭعى جىلدارى جاس مامانداردىڭ عىلىمعا بەت بۇرۋى كوڭىلگە سەنىم ۇيالاتادى. قازىرگى عىلىمي قىزمەتكەرلەردىڭ 34%-ىن 35 جاسقا دەيىنگى جاستار قۇرايدى.
– ءيا, عالىمدارىمىزدىڭ قاتارى كوبەيگەنىمەن, ولاردىڭ جوبالارىن جۇزەگە اسىرىپ, وندىرىسكە ەنگىزۋدە كەدەرگىلەرگە كەزىگەدى. ونىڭ باستى سەبەبى ءارى عىلىم سالاسىنداعى نەگىزگى ماسەلەلەردىڭ ءبىرى – عىلىمي قىزمەتتىڭ از قارجىلاندىرىلۋى. 2018 جىلى بارلىق قارجىلاندىرۋ كوزدەرىنەن عىلىمي زەرتتەۋلەرگە بولىنگەن شىعىستار كولەمى قازاقستاندا ءىجو-ءنىڭ 0,12%-ىن قۇراسا, ءدال وسىنداي كورسەتكىش ارمەنيادا (0,3%), ۋكراينادا (0,5%), بەلارۋستا (0,6%), رەسەيدە (1,2%), ەىدۇ ەلدەرىندە (4%), وڭتۇستىك كورەيادا (5%)-دى قۇرادى.
سوڭعى وتكىزىلگەن گرانتتىق جوبالار كونكۋرسىنا عالىمداردان 5 مىڭ ءوتىنىم تۇسكەنىمەن, قارجىلاندىرۋدىڭ جەتكىلىكسىز بولۋىنا بايلانىستى 4 مىڭ جوبا كەرى قايتارىلدى. قارجىلاندىرۋعا ىلىككەن جوبالاردىڭ بيۋدجەتى دە ءبىرشاما قىسقارتىلدى, بۇل جوبالاردىڭ ساپاسى مەن ناتيجەسىنە اسەر ەتپەي قويمايدى, – دەدى مينيستر.
