ۆيرۋستىڭ تارالۋ قاۋپى مەن ماڭعىستاۋلىقتاردىڭ ءومىرى مەن دەنساۋلىعىنا الاڭداۋشىلىقتىڭ ساقتالۋىنا بايلانىستى حالىققا قىزمەت كورسەتۋ ورتالىقتارىنىڭ جۇمىس ءتارتىبىن وزگەرتۋ تۋرالى شەشىم قابىلداندى.
وزگەرىستەر حقكو-دا كورسەتىلەتىن مەملەكەتتىك قىزمەت تۇرلەرىن, ولاردى ۇسىنۋ فورماتىن دا قامتيدى.
- ەندى قازاقستاندىقتار حقكو-دا ەلەكتروندى فورماتتا قولجەتىمسىز, تەك «قاعاز» جۇزىندە كورسەتىلەتىن قىزمەتتەر مەن egov.kz ارقىلى راسىمدەلگەن وتىنىشتەردىڭ ناتيجەسىن الا الادى.
- حقكو-عا بارۋ ءۇشىن 1414 بايلانىس ورتالىعى نەمەسە نەمەسە egov.kz سايتىنداعى ارنايى سەرۆيس ارقىلى كەزەك ۋاقىتىن الدىنا الا برونداۋ قاجەت بولادى.
بۇل ازاماتتاردىڭ حقكو-دا كوپتەپ جينالۋىن بولدىرمايدى جانە ۆيرۋستى جۇقتىرۋ قاۋپىن جويادى, وسى رەتتە قىزمەت الۋشىلار دا ءوز ۋاقىتىن ۇنەمدەيدى. الدىن الا برونداۋسىز ەش قىزمەت كورسەتىلمەيدى.
ازاماتتار ەلەكتروندى فورماتقا اۋدارىلعان جانە egov.kz پورتالىندا قولجەتىمدى بارلىق مەملەكەتتىك قىزمەتتىڭ 80%-دان استامىن تەك وزدىگىنەن نەمەسە بۇرىنعىداي حقكو عيماراتتارىندا ەمەس, اكىمدىكتەر جانىنداعى كەڭسەلەردە, وقۋ ورىندارىندا, مەديتسينالىق ۇيىمداردا جانە ت.ب. جەردە ورنالاستىرىلاتىن وزىنە-ءوزى قىزمەت كورسەتۋ سەكتورلارىندا الا الادى.
ونلاين قىزمەتتەردى جىلدام ءارى ىڭعايلى الۋ ءۇشىن ازاماتتار 1414 نومىرىنە حابارلاسا الادى, وندا حقكو وپەراتورلارى كەڭەس بەرەتىن بولادى.
ايتا كەتۋ كەرەك, كارانتين جاريالانعالى بەرى ماڭعىستاۋلىقتار egov.kz ەلەكتروندى ۇكىمەت پورتالى, تەلەگرامداعى eGovKzBot2.0 بوتى جانە eGovMobile موبيلدىك قوسىمشاسى ارقىلى ءوز بەتىنشە ونلاين تۇردە مەملەكەتتىك قىزمەتتى العان. دەگەنمەن 3 ساناتتاعى ازاماتتار, ياعني زەينەتكەرلەر, كوپ بالالى وتباسىلار جانە مۇگەدەكتەر ەلەكتروندىق قىزمەتتەردى حقكو-دان الا الادى. ءار فرونت-وفيستە ولار ءۇشىن جەڭىلدىك تەرەزەسى جۇمىس ىستەيدى. سونداي-اق ولار دا حقكو-عا باراتىن ۋاقىتىن الدىن الا برونداۋى كەرەك.
-«ازاماتتارعا ارنالعان ۇكىمەت» مەملەكەتتىك كورپوراتسياسى» كە اق ماڭعىستاۋ وبلىستىق فيليال ديرەكتورى ەربول بايجىگىتتىڭ ايتۋىنشا, توتەنشە رەجيم تارتىبىمەن جۇمىس جاساعان ۋاقىتتا اتالعان وزگەرىستەردىڭ كەرەك ەكەنىن كورسەتتى. توتەنشە جاعداي ورىن العاننان بەرى تەلەفون قوڭىراۋى ارقىلى 154 مىڭ ماڭعىستاۋلىق كەڭەس الدى. بەينەباقىلاۋ بويىنشا 240 مىڭ ماڭعىستاۋلىق ۆيرتۋالدى اسسيستەنتتىڭ كومەگىنە جۇگىندى. 68 مىڭ جەرلەستەرىمىز موبيلدىك بازاعا تىركەلدى. جەتى مىڭنان استام دايىن قۇجات تاپسىرىلدى. ونلاين تۇردە 198 اۆتوكولىك پەن 252 جۇرگىزۋشى كۋالىگى راسىمدەلدى. 34 مىڭ ماڭعىستاۋلىق ەتسق كىلتىن قاشىقتىقتان الدى, دەدى ە.بايجىگىت.
ول سونداي-اق, اتالعان وزگەرىستەر تەك اقتاۋ قالاسىنداعى №1حقو مەن مامانداندىرىلعان حقو جۇمىسىن قامتيتىنىن اتاپ ءوتتى. ال اۋدان ورتالىقتارى مەن اۋىلدى جەرلەردەگى حقو جۇمىسى ەش وزگەرىسكە ۇشىرامايدى.
