ۇلى جەڭىستىڭ 75 جىلدىعىنا وراي 5 جانە 9 مامىر كۇندەرى ارالىعىندا «استانا جاستارى» كمم-ءنىڭ رەسمي Instagram پاراقشاسىندا (@astana_jastary) «جاس سارباز» تابيەلەنۋشىلەرىنىڭ اراسىندا ونلاين رەسپۋبليكالىق اسكەري-پاتريوتتىق بايقاۋى وتەدى.
بايقاۋدى نۇر-سۇلتان قالاسى اكىمدىگى, «استانا جاستارى» رەسۋرستىق ورتالىعى جانە نۇر-سۇلتان قالاسى قورعانىس ىستەرى دەپارتامەنتىنىڭ قولداۋىمەن «جاس سارباز» جاسوسپىرىمدەر اسكەري-پاتريوتتىق قوزعالىسى رقب نۇر-سۇلتان قالالىق فيليالى ۇيىمداستىرۋدا.
بايقاۋعا «جاس سارباز» تاربيەلەنۋشىلەرىمەن قاتار, وقۋشىلار جانە كوللەدج ستۋدەنتتەرى قاتىسا الادى.
«ۇمىتكەرلەر 5 مامىرعا دەيىن, jassarbaz.astana@mail.ru ەلەكتروندى مەكەن-جايىنا ءوز ورىنداۋىنداعى پاتريوتتىق ءاننىڭ ۆيدەوجازباسىن جولداۋى كەرەك. ۆيدەوجازبامەن قاتار, قاتىسۋشىنىڭ اتى-ءجونى, مەكتەپ (كوللەدج) نومەرى, ورىنداعان ءاننىڭ اتى جانە اۆتورى بەلگىلەنۋى كەرەك», – دەلىنگەن حابارلامادا.
ۆيدەوجازباعا قويىلاتىن تالاپتار: ورىنداۋشى ءاندى جاندى داۋىستا ايتۋى كەرەك, ورىنداۋشىنىڭ ارتىندا ارتىق زاتتار بولماۋى ءتيىس. بايقاۋ جەڭىمپازى, بايقاۋ ءوتىپ جاتقان پاراقشاداعى (@astana_jastary) ۆيدەوجازبا استىنا جينالعان پىكىرلەر ارقىلى انىقتالادى.
قوسىمشا اقپارات پەن وزگە دە قىزىقتىراتىن ساۋالدار ءۇشىن +7 707 422 73 96 تەلەفونى ارقىلى نەمەسە jassarbaz.astana@mail.ru ەلەكتروندى مەكەن-جايى بويىنشا حابارلاسۋعا بولادى.
