ۆيرتۋالدى زەرتحانانىڭ نەگىزگى مىندەتى - ءبىلىم بەرۋ ۇردىسىنە ەرەكشە ءبىلىمدى قاجەت ەتەتىن ادامداردى قوسۋ بويىنشا الدىڭعى قاتارلى تەوريالىق جانە پراكتيكالىق تاجىريبەنى ۇسىنۋ جانە تاراتۋ. ۆيرتۋالدى زەرتحانا اياسىندا «قازاقستانداعى ينكليۋزيۆتى ءبىلىم بەرۋ: دامۋ ەۆوليۋتسياسى مەن بولاشاعى» تاقىرىبىندا العاشقى ۆەبينار وتكىزىلدى, نەگىزگى سپيكەرى جشس «ابەو» ورتالىعىنىڭ باس ديرەكتورى روزا سۇلەيمەنوۆا بولدى.
ۆەبينارعا قر ءبىلىم جانە عىلىم ۆيتسە-ءمينيسترى بيبىگۇل اسىلوۆا, قر بالا قۇقىقتارى جونىندەگى ۋاكىل ارۋجان ساين, جوو وقىتۋشىلارى, وبلىستىق جانە اۋداندىق ءبىلىم بولىمدەرىنىڭ وكىلدەرى, مەكتەپكە دەيىنگى, مەكتەپ, تەحنيكالىق جانە كاسىپتىك ءبىلىم بەرۋ ۇيىمدارىنىڭ اكىمشىلىگى مەن مۇعالىمدەرى قاتىستى.
قازاقستان رەسپۋبليكاسىنداعى بالا قۇقىقتارى جونىندەگى ۋاكىل ارۋجان ساين ۆەبينارعا قاتىسۋشىلاردى جالپى ءبىلىم بەرۋ ۇردىسىندە ەرەكشە ءبىلىم بەرۋ قاجەتتىلىكتەرى بار بالالاردى قوسۋدىڭ سينگاپۋر تاجىريبەسىمەن قىسقاشا تانىستىردى جانە بارلىق مۇددەلى تۇلعالاردى سىندارلى جۇمىسقا شاقىردى.
ۆيتسە-مينيستر بيبىگۇل اسىلوۆا قازاقستانداعى ارنايى جانە ينكليۋزيۆتى ءبىلىمنىڭ جاي-كۇيىنە ەگجەي-تەگجەيلى تالداۋ جۇرگىزدى, ينكليۋزيۆتى ءبىلىم بەرۋ سالاسىنداعى ماسەلەلەرگە تولىق شولۋ جاسادى جانە وسى جۇيەنىڭ ەلدەگى دامۋىنىڭ ستراتەگيالىق باعىتتارىن اتادى.
تۇزەتۋ پەداگوگيكاسى بويىنشا رەسپۋبليكامىزداعى العاشقى دوكتور, «كەمتار بالالاردى الەۋمەتتiك جانە مەديتسينالىق-پەداگوگيكالىق تۇزەۋ ارقىلى قولداۋ تۋرالى» قر زاڭىن ازىرلەۋ جونىندەگى جۇمىس توبىنىڭ باستاماشىسى جانە جەتەكشىسى, وليگوفرەنوپەداگوگيكا كافەدراسىنىڭ العاشقى مەڭگەرۋشىسى سپيكەر روزا سۇلەيمەنوۆانىڭ بايانداماسى بارلىق قاتىسۋشىلار اراسىندا ۇلكەن قىزىعۋشىلىق تۋدىردى جانە تولىق تالقىلاۋعا باستاۋ بولدى.
ينكليۋزيۆتى ءبىلىم بەرۋ ۆيرتۋالدى زەرتحاناسىنىڭ كەلەسى ۆەبينارلارى 2020 جىلدىڭ 4-6 مامىرى كۇندەرى وتكىزىلمەك.
2020 جىلعى 4 مامىردا «جوو-دا ەرەكشە ءبىلىم قاجەتتىلىكتەرى بار ستۋدەنتتەرمەن وقۋ ءۇردىسىن ۇيىمداستىرۋ» تاقىرىندا ۆەبينار وتكىزۋ جوسپارلانىپ وتىر. سپيكەرى: قازاقستان جوعارى وقۋ ورىندارىندا ينكليۋزيۆتى ءبىلىم بەرۋدىڭ رەسۋرستىق كەڭەس بەرۋ ورتالىعىنىڭ ديرەكتورى, اباي اتىنداعى قازۇپۋ پروفەسسورى زۋلفيا موۆكەباەۆا.
2020 جىلعى 6 مامىردا, ساعات 15.00-دە «جالپى ءبىلىم بەرۋ كەڭىستىگىنە ەرەكشە ءبىلىم قاجەتتىلىكتتەرى بار بالالاردى ەنگىزۋ شارتتارى» ۆەبينارى وتەدى. سپيكەر: «تۇزەتۋ پەداگوگيكاسىنىڭ ۇلتتىق عىلىمي-پراكتيكالىق ورتالىعى» مم ديرەكتورى, دوتسەنت عاليا اباەۆا.
الماتى
