ارينە, جول قۇرىلىسىنا كارانتيننىڭ دە كەرى اسەرى بولدى. جۇمىس ءسال كەشەۋىلدەپ, كەستەدەن قالىڭقىراپ بارىپ باستالدى. دەگەنمەن, جوبانى ىسكە اسىرىپ جاتقان مەردىگەر كومپانيانىڭ وكىلى قۇرىلىس جۇمىستارى بيىلعى جىلدىڭ سوڭىنا تامان بىتەدى دەپ ۋادە بەرىپ وتىر. جول بيىل پايدالانۋعا بەرىلگەنمەن, ونىڭ اباتتاندىرۋ جۇمىستارى كەلەر جىلدىڭ ۇلەسىنە قالىپتى...
سونىمەن قاتار, بيىل قاراعاندىنى اينالىپ وتەتىن سولتۇستىك-شىعىس تاس جولىنىڭ قۇرىلىس جۇمىستارى دا قايتا جاندانا تۇسكەن. ۇزىندىعى 48 شاقىرىمنان اساتىن جاڭا ءتورت جولاقتى جولدىڭ قۇرىلىسى بىلتىر باستالعان بولاتىن. قۇرىلىسشىلار بيىلدىڭ وزىندە جول بويىنداعى بەس كوپىر وتكەلىن سالدى. ەندىگى قالعان جۇمىس وڭايىراق: قازىر مەردىگەر كومپانيا جول بەلگىلەرىن سالۋ, قورشاۋلار جاساۋ جانە جارىق شامدارىن ورناتۋمەن اينالىسۋدا. جول قۇرىلىسى ءالى تولىق بىتپەسە دە, قازىرگى ۋاقىتتا بۇل تراسسانىڭ بويىندا كولىكتەر جۇرە باستاعان.
بۇل جوبامەن اينالىسىپ جاتقان مەردىگەر كومپانيا – «سينە ميداس ستروي» جشس-ءنىڭ وكىلى الي چەتكين جۇمىستىڭ 93%-عا بىتكەنىن ايتادى. تەك, جول بويىن اباتتاندىرۋ عانا قالعان. ول جۇمىستار الداعى ەكى ايعا جەتەر-جەتپەس ۋاقىت ىشىندە تولىق اياقتالىپ, ءوڭىر ەكونوميكاسى ءۇشىن ماڭىزى زور جول ماۋسىم ايىندا پايدالانۋعا بەرىلەدى ەكەن.
بيىل «نۇرلى جول» مەملەكەتتىك باعدارلاماسى اياسىندا قاراعاندى وبلىسىندا جول-قۇرىلىس جۇمىستارىمەن 800 شاقىرىم جول قامتىلادى دەپ جوسپارلانعان.
