نۇر-سۇلتان-الماتى رەيستەرىنىڭ قايتا جاڭارتىلۋىنا بايلانىستى حالىقارالىق اۋەجايدىڭ ت2 تەرمينالىنا كىرۋ ۆوكزال ماڭى الاڭىنان جۇرگىزىلەدى. ىشكە كىرۋ تەك سوVID-19 پتر تەستىنىڭ تەرىس ناتيجەسى بار انىقتاما بولعان جاعدايدا (بەرىلگەن ساتتەن باستاپ 7 كۇنگە جارامدى) عانا جولاۋشىلارعا رۇقسات ەتىلەدى.
شىعارىپ سالۋشىلارعا تەرمينالدىڭ ىشىندە بولۋىنا تىيىم سالىنادى. انىقتاما مەن دەنە قىزۋىن ولشەۋ تەرمينالعا كىرەر كەزدە جۇرگىزىلەدى. تەرمينالدا جولاۋشىلار ماسكامەن جانە قولعاپپەن ءجۇرۋى ءتيىس. تەرمينال اۋماعىندا قولدى دەزينفەكتسيالاۋعا ارنالعان قۇرىلعىلار بار. تىركەۋگە جانە تەكسەرۋگە كەزەككە تۇرعان كەزدە ارا قاشىقتىق 1,5 مەتردەن كەم بولماۋى ءتيىس. ۇشاققا بالالارىن شىعارىپ سالاتىن اتا-انالاردىڭ دا COVID-19 تەستىلەۋ تۋرالى انىقتاماسى بولۋى كەرەك, ەگەر ول جوق بولسا, اۋە كومپانياسىنىڭ وكىلى بالانى كىرە بەرىستە قارسى الىپ, تىركەۋگە اپارادى.
تەستىلەۋ تۋرالى انىقتاما مۇمكىندىگى شەكتەۋلى ادامداردى ەرتىپ جۇرەتىن تۇلعالاردا دا بولۋى كەرەك, ەگەر بولماسا تەرمينالدىڭ كىرەبەرىسىندەگى ارنايى باتىرمانىڭ كومەگىمەن سانيتاردى شاقىرۋ قاجەت. رەيسكە ونلاين تىركەلۋ كەرەك.
