ەكونوميكا • 29 ءساۋىر، 2020

ازىق-ت ۇلىك جۇمىرتقالارىن سۋبسيديالاۋ جالعاسادى - اشم

26 رەت كورسەتىلدى

داعدارىس جاعدايىنا بايلانىستى جۇمىرتقا وندىرۋشىلەردى قولداۋ تۋرالى شەشىم قابىلداندى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

«اگروونەركاسىپتىك كەشەندى دامىتۋ» مەملەكەتتىك باعدارلاماسىندا 2020 جىلدان باستاپ جۇمىرتقالارعا تاۋارلىق سۋبسيديالاردى الىپ تاستاۋ قاراستىرىلعان. سۋبسيديانى الىپ تاستاۋ تۋرالى نورما 2017 جىلى مەملەكەتتىك باعدارلاما قابىلدانعان ساتتە قۇس فابريكالارى باسشىلارى مەن قۇس وندىرۋشىلەردىڭ سالالىق قاۋىمداستىعىمەن كەلىسىلگەن بولاتىن.

الايدا، COVID-19 ۆيرۋسىنىڭ تارالۋىنان تۋىنداعان داعدارىسقا بايلانىستى، 2020 جىلى جۇمىرتقانىڭ وزىندىك قۇنى كۇرت ءوستى. وسىعان بايلانىستى، اۋىل شارۋاشىلىعى مينيسترلىگى جۇمىرتقا وندىرۋشىلەردى قولداۋدى جانە ءونىمنىڭ بىرلىگىنە سۋبسيديالاۋ نورماسىن 3 تەن 1،5 تەڭگەگە دەيىن تومەندەتە وتىرىپ، «ازىق-ت ۇلىك جۇمىرتقالارىن ءوندىرۋدى سۋبسيديالاۋ» باعىتىن ساقتاۋدى ۇسىندى.

«قۇس وسىرۋشىلەردى قولداۋ جانە سايكەسىنشە جۇمىرتقانىڭ وزىندىك قۇنىن تومەندەتۋگە ۇكىمەت 5 ملرد تەڭگە ءبولۋدى جوسپارلاپ وتىر»،- دەلىنگەن حابارلامادا.

سونىمەن قاتار، ۇكىمەت جۇمىرتقا وندىرۋشىلەرگە «قاراپايىم زاتتار ەكونوميكاسى» باعدارلاماسى ارقىلى اينالىم قاراجاتىن تولىقتىرۋ ءۇشىن جەڭىلدەتىلگەن قارجى الۋ مۇمكىندىگىن بەردى. بۇل قۇس فابريكالارى قيىن كەزەڭدە ءوزىن جەممەن قامتاماسىز ەتە الۋى ءۇشىن جاسالدى.

سونىمەن قاتار، اۋىل شارۋاشىلىعى تاۋار وندىرۋشىلەرىنە اسىل تۇقىمدى قۇس ساتىپ الۋعا سۋبسيديا تۇرىندە جانە ەكسپورتتىق ءونىمدى تاسىمالداۋ شىعىندارىنا قوسىمشا قولداۋ كورسەتىلەدى.

ەستەرىڭىزگە سالساق، قازاقستاندا جۇمىرتقا وندىرەتىن 31 قۇس فابريكاسى بار. بولجام بويىنشا ولار جىلىنا 5،5 ملرد جۇمىرتقا وندىرەدى.

سونىمەن بىرگە، وتاندىق ءوندىرىس قازاقستاندىق نارىقتىڭ 100%-دان استام قاجەتتىلىگىن قامتاماسىز ەتەدى. دەمەك، قۇس فابريكالارىنىڭ ارتىق ءونىمدى شەتەلدەرگە ساتۋ مۇمكىندىگى بار.

2019 جىلى رەسپۋبليكانىڭ قۇس فابريكالارى 527 ملن دانا جۇمىرتقانى ەكسپورتتادى. 2020 جىلعى قاڭتار-اقپان ايلارىندا ەكسپورت كولەمى 1542 توننانى (30،8 ملن دانا) قۇرادى.

سوڭعى جاڭالىقتار

ۇقساس جاڭالىقتار