Hardt Hyperloop ماگنيتتى لەۆيتاتسيا جانە جارتىلاي ۆاكۋمدا قولداۋ كورسەتىلەتىن بولات قۇبىردا جىلدامدىعى 1000 كم/ساعاتتان استام جەلىلىك ەلەكتر قوزعالتقىشىنىڭ كومەگىمەن قوزعالاتىن اەروديناميكالىق كونتەينەرى بار اسا جىلدام كولىك تەحنولوگياسىن ازىرلەيدى.
سولتۇستىك گوللانديا پروۆينتسياسىندا جۇرگىزىلگەن جاڭا زەرتتەۋلەرگە سايكەس, جوبا 2028 جىلى جۇمىسىن باستاي الادى. كومپانيا وكىلدەرىنىڭ ايتۋىنشا, بۇل جوبا ەكونوميكالىق جاعىنان ءتيىمدى بولادى.
جىلدام كولىك تەحنولوگياسى ءار باعىتتا ساعاتىنا 200 مىڭ جولاۋشىنى تاسىمالداي الادى. جاڭا كولىك ءتۇرى پوەزدبەن امستەردامنان پاريجگە باراتىن ۋاقىتتى ەكى ەسە قىسقارتادى. Hardt Hyperloop وكىلدەرىنىڭ ايتۋىنشا, امستەردامنان ەيندحوۆەنگە جەتۋ - 15 مينۋت, ديۋسسەلدورفقا - 30 مينۋتقا جۋىق ۋاقىت, ال بريۋسسەلگە جەتۋ ءۇشىن ءبىر ساعاتتان از ۋاقىت كەتەدى. مۇنداي ۋاقىتتى ۇنەمدەۋ جۇيەسى سولتۇستىك گوللانديا پروۆينتسياسىنىڭ ءىجو-گە قوسىمشا 275 ميلليارد ەۋرو اكەلەدى دەگەن بولجام بار.
ء«بىز ادامداردىڭ جۇمىسقا بارۋ ءۇشىن ەڭ كوپ دەگەندە ء بىر ساعات ۋاقىت جۇمسايتىنىن بىلەمىز. جوعارى جىلدامدىقتى گيپەرتسيكل ارقىلى وسى ۋاقىت ىشىندە الدەقايدا ۇلكەن قاشىقتىقتى ەڭسەرۋگە بولادى. بۇل كوپ ءۇمىت سىيلايتىنداي ەستىلەدى. سوندىقتان ءبىز وسى زەرتتەۋدى العا جىلجىتۋ ءۇشىن باسقا بيلىك ورگاندارىمەن تالقىلاۋلارعا قاتىسامىز», - دەدى سولتۇستىك گوللانديا پروۆينتسياسىنىڭ جەرگىلىكتى بيلىك ورگانىنىڭ وكىلى يەرۋن ولتوف.
