اۋرۋحانالاردىڭ جوباسى زاماناۋي تەحنيكالىق شەشىمدەرگە سايكەس جاسالادى, ۇزاق مەرزىمدى كەلىسىمشارتتار اياسىندا مەديتسينالىق تەحنيكامەن, اقپاراتتىق جۇيەمەن قامتاماسىز ەتىلەدى جانە تەحنيكالىق قىزمەت كورسەتىلەدى.
ءاربىر ستاتسيوناردا پاتسيەنتتەردى ۋاقتىلى جانە ساپالى دياگنوستيكالاۋ مەن ەمدەۋگە, كلينيكا قىزمەتكەرلەرىنىڭ قاۋىپسىزدىگىن قامتاماسىز ەتۋگە, مەديتسينالىق ۇيىمداردىڭ ينفەكتسيالىق ەمەس جەلىسىندەگى جۇكتەمەنى تومەندەتەتىن قازىرگى زامانعى ينفەكتسيالىق كورپۋستار سالۋ جوسپارلانۋدا.
اۋرۋحانالار مەملەكەتتىك-جەكە مەنشىك ارىپتەستىك جانە باسقا دا ۇزاق مەرزىمدى كەلىسىم-شارتتار شەڭبەرىندە سالىنادى دەپ جوسپارلانۋدا, بۇل بيۋدجەت شىعىنىن تومەندەتۋگە, شەتەلدەن كاپيتال, اۋرۋحانالار قۇرىلىسىنا جاڭا تەحنولوگيالار تارتۋعا جانە دەنساۋلىق ساقتاۋ وبەكتىلەرىن پايدالانۋ ساپاسىن ارتتىرۋعا مۇمكىندىك بەرەدى.
5-6 جىل ىشىندە حالىقارالىق Joint Commission International (JCI) ستاندارتىنا سايكەس 8000 ورىندىق جوعارى تەحنولوگيالىق اۋرۋحانالار جەلىسىن قۇرۋعا بولادى.
بۇل جوبالاردى حالىقارالىق دەڭگەيدە اۋرۋحانالار سالۋ جانە پايدالانۋ بويىنشا تاجىريبەسى بار وتاندىق جانە شەتەلدىك كومپانيالار جۇزەگە اسىرادى.
اۋرۋحانالار قۇرىلىسىنىڭ جوبالارىن ۋاقتىلى ىسكە اسىرۋ ءۇشىن دەنساۋلىق ساقتاۋ سالاسىنداعى وپەراتور - جوبالاۋ كومپانياسى قۇرىلادى (زاڭدى تۇلعانى قۇرۋ تۋرالى نقا جوباسى اشىق نقا سايتىندا ورنالاستىرىلعان).
كومپانيانىڭ نەگىزگى مىندەتتەرى:
ازىرلەۋ كەزەڭىندە بارلىق جوبالاردى اكىمشىك باسقارۋ جانە ۇيلەستىرۋ, ءمجا شارتتارىن جاساسۋ جونىندەگى شارالاردى ىسكە اسىرۋ (ونىڭ ىشىندە ءمجا شارتتارى بويىنشا مەملەكەتتىك ارىپتەس جاعىندا ارەكەت ەتۋ);
ءمجا شارتتارى بويىنشا ء(اربىر شارت بويىنشا 400 جۋىق ساپا كورسەتكىشى) جەكە ارىپتەس مىندەتتەمەلەرىنىڭ ورىندالۋىن باقىلاۋ.
