تومەنارىقتاعى ءورت وقيعاسى وسىدان 3 كۇن بۇرىن بولعان. ءورت سوندىرۋشىلەر ەلەكتر جۇيەسىنىڭ تۇيىقتالۋىنان باستالعان جالىندى سوندىرگەنمەن ءۇي جارامسىز كۇيگە تۇسكەن بولاتىن. باسپاناداعى بارلىق م ۇلىك پەن قۇجاتتار دا جانىپ كەتكەن.
وسى ءۇيدىڭ تۇرعىنى مىرزابەك جيەنباەۆتىڭ سىنىپتاس دوستارى جانە اۋىلداستارى ەكى كۇننىڭ ىشىندە الىس-جاقىنداعى اعايىننان 4 ملن تەڭگەدەن اسا قارجى جيناپتى. وعان ەلدى مەكەندەگى جاڭا ۇيلەردىڭ ءبىرى ساتىپ الىندى. قارجىنىڭ قالعانى وتباسىنىڭ وزگە قاجەتتىلىگىنە جاراتىلادى.
بۇل يگىلىكتى ىسكە اۋىل اكىمى نۇركەن قوشقاربەكوۆ, اۋداندىق ءماسليحات دەپۋتاتى نارىمبەت كولجانوۆ جانە وزگە دە بەلسەندى ازاماتتار ۇيىتقى بولدى.
