كەشە تاعى 12 ادامنىڭ كوروناۆيرۋسپەن اۋىرعانى انىقتالدى. ولاردىڭ ۇشەۋى كەگەن اۋدانىندا, سەگىزى جامبىل اۋدانىندا جانە بىرەۋى قاپشاعاي قالاسىنىڭ تۇرعىندارى بولىپ شىقتى.
- سىرقاتتانعانداردىڭ جاسى 27 مەن 56 جاس ارالىعىندا. ولار كەگەن اۋداندىق اۋرۋحاناسىنىڭ ينفەكتسيالىق بولىمىنە, جامبىل اۋدانى مىڭباەۆ اۋىلىنداعى اۋىلدىق اۋرۋحانانىڭ پروۆيزورلىق ستاتسيونارىنا, شەلەك اۋداندىق اۋرۋحاناسىنىڭ ينفەكتسيالىق بولىمىنە جاتقىزىلدى. ناۋىقاستارمەن بايلانىستا بولعان 55 ادام انىقتالىپ, ولاردىڭ ءبارى وقشاۋلاندى, - دەپ حابارلادى الماتى وبلىسى اكىمىنىڭ ءباسپاسوز قىزمەتى.
سونداي-اق, كەشە قاراساي اۋدانىنداعى ينفەكتسيالىق اۋرۋحانادان 1952 جىلى تۋعان ناۋقاس ساۋىعىپ, ۇيىنە بارۋعا رۇحسات الدى. ول اۋرۋحاناعا كوروناۆيرۋس دياگنوزىمەن 11 ءساۋىر كۇنى تۇسكەن بولاتىن. قازىر «وليمپيا اۋىلى» الابىنىڭ تۇرعىنىنىڭ جاعدايى جاقسى, قايتا تەكسەرۋ ناۋقاس بويىندا كوروناۆيرۋس بەلگىسى جوق ەكەنىن كورسەتكەن.
جالپى, بۇل قاراساي اۋدانى بويىنشا ىندەتتەن ايىققان توعىزىنشى ادام. ال وبلىس بويىنشا وڭالعاندار سانى – 10.
الماتى وبلىسى
