جول كارتاسىن جۇزەگە اسىرۋعا ماڭعىستاۋ وبلىسى ءۇشىن 34 ملرد. تەڭگە قاراستىرىلعان. بۇل تۋرالى قوعامدىق كوممۋنيكاتسيالار ورتالىعىندا وتكەن بريفينگتە ماڭعىستاۋ وبلىسى اكىمىنىڭ ورىنباسارى ءا.قىراۋباەۆ باياندادى.
وبلىس اكىمى ورىنباسارىنىڭ ايتۋىنشا, بارلىعى 144 جوبا ىسكە اسىرىلاتىن بولادى, ولار 8 911 جاڭا جۇمىس ورنىن, ونىڭ ىشىندە 400-دەن استام تۇراقتى جۇمىس ورنىن قۇرۋعا مۇمكىندىك بەرەدى.
- جۇمىسپەن قامتۋدىڭ جول كارتاسى كەلەسى باعىتتار بويىنشا ينفراقۇرىلىمدىق جوبالاردى ىسكە اسىرۋدى كوزدەيدى: - ءبىرىنشى الەۋمەتتىك-مادەني نىساندار: بارلىعى 63 جوبا, 2 829 جۇمىس ورنىن قۇرۋمەن, ونىڭ ىشىندە حالىقتى جۇمىسپەن قامتۋ ورتالىقتارى ارقىلى وسى جۇمىس ورىندارىنا 1387 ادام جۇمىسقا ورنالاسادى. ەكىنشى باعىت - تۇرعىن ءۇي-كوممۋنالدىق شارۋاشىلىق نىساندارى: 37 جوبا, 2 829 جۇمىس ورنىن قۇرۋمەن, ونىڭ ىشىندە جۇمىسپەن قامتۋ ورتالىقتارى ارقىلى وسى جۇمىس ورىندارىنا 1 414 ادام جۇمىسقا ورنالاسادى. ءۇشىنشى باعىت - ينجەنەرلىك-كولىكتىك ينفراقۇرىلىم نىساندارى: بارلىعى 30 جوبا, 1 382 جۇمىس ورنىن قۇرۋمەن, ونىڭ ىشىندە جۇمىسپەن قامتۋ ورتالىقتارى ارقىلى وسى جۇمىس ورىندارىنا 792 ادام جۇمىسقا ورنالاسادى. ال ەلدى مەكەندەردى اباتتاندىرۋ بويىنشا 13 جوبا, 1 455 جۇمىس ورنىن قۇرۋمەن, سونىڭ ىشىندە جۇمىسپەن قامتۋ ورتالىقتارىنان 753 ادام جۇمىسقا ورنالاسادى. جول كارتاسى شەڭبەرىندەگى جوبالارعا قاتىسۋ ءۇشىن ازاماتتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا جۇگىنۋ قاجەت. جۇمىسپەن قامتۋ جول كارتاسى اياسىندا بۇگىنگى كۇنى مەردىگەردى انىقتاۋ بويىنشا ءتيىستى كونكۋرستىق راسىمدەر جۇرگىزىلۋدە. مەردىگەرلەردىڭ باسىم بولىگى وسى ايدىڭ سوڭىنا دەيىن انىقتالاتىن بولادى, دەدى ءا.قىراۋباەۆ.
بۇل رەتتە, مەردىگەرلەرمەن شارتتار جاساسۋ كەزىندە جوبانى ىسكە اسىرۋ بارىسىندا قىزمەتكەرلەردىڭ كەمىندە 50% - ى جۇمىسپەن قامتۋ ورتالىقتارىنان تارتىلۋى ءتيىس.بۇل رەتتە ولاردىڭ جالاقىسى 150 مىڭ تەڭگەدەن كەم بولماۋى, تاۋارلاردىڭ, جۇمىستار مەن كورسەتىلەتىن قىزمەتتەردىڭ كەمىندە 90% جەرگىلىكتى تاۋار وندىرۋشىلەردەن ساتىپ الىنۋى سىندى بىرقاتار پرينتسيپتىك تالاپتار قويىلادى.
- بارلىق وسى تالاپتار ورىندالۋى ءتيىس. جەرگىلىكتى جەرلەردەگى اكىمدەر مۇنى باقىلايتىن بولادى, دەدى ول.
ماڭعىستاۋ وبلىسى
