كەلەلى ىسكە – كەمەل كوزقاراس

كەشە استانادا پرەمەر-ءمينيستردىڭ ءبىرىنشى ورىنباسارى ومىرزاق شوكەەۆتىڭ توراعالىعىمەن كەدەندىك وداق جۇمىسىنا بايلانىستى ماسەلەلەرگە قازاقستاننىڭ قاتىسۋىنا ارنالعان دوڭگەلەك ۇستەل بولىپ ءوتتى. وعان رەسەي فەدەراتسياسى ونەركاسىپ جانە ساۋدا ءمينيسترى ۆ.حريستەنكو, سونىمەن قاتار قازاقستان-رەسەي بيزنەس قاۋىمداستىق وكىلدەرى قاتىستى. دوڭگەلەك ۇستەل فورماتى ماڭىزدى تاقىرىپتاردى شەشۋ مەن تالقىلاۋعا ارنالعان كەڭەس تۇرىندە ءوتتى. الدىمەن ءسوز العان پرەمەر-ءمينيستردىڭ ءبىرىنشى ورىنباسارى ءو.شوكەەۆ بيىلعى جىلدىڭ ەكونوميكاداعى باستى وقيعاسى كەدەندىك بىرلەستىكتىڭ قۇرىلۋى دەپ اتاپ ءوتتى. ءبىز كە­دەن­دىك وداقتى قۇرۋ بويىنشا جان-جاقتى ءتۇسىندىرۋ جۇمىس­تا­رىن جۇرگىزىپ كەلەمىز. دەگەنمەن بىرلەستىكتى تۇسىندىرۋدە, قۇرۋ بارىسىندا اقپارات تاپشىلىعى سەزىلەدى. وسىعان بايلانىستى ءبىز مەملەكەتتىك ورگاندار مەن  بيز­نەس قۇرىلىمدارىنىڭ بىرلەسكەن كەڭەستەرىن ءجيى وتكىزۋ قاجەت دەپ سانايمىز, دەدى ءو. شوكەەۆ. ال رەسەيدىڭ ونەركاسىپ جانە ساۋدا ءمينيسترى ۆ.حريستەنكو قازاقستان مەن رەسەيدىڭ ۇكىمەت باسشىلارى ەكىجاقتى سۇحبات جۇرگىزۋدى بەلسەندىرۋگە ارنالعان شەشىم قابىلدانۋىن ماڭىزدى ءارى دۇرىس شەشىم دەپ قابىل­داي­تىندىقتارىن جەتكىزدى. كەدەندىك وداقتىڭ قۇرىلۋى مەن ودان ءارى ءبىرتۇتاس ەكونومي­كالىق كەڭىستىككە ءوتۋ ەكى ماسە­لەنى شەشۋى ءتيىس دەپ اتاپ وتكەن ۆ.حريس­تەنكو ولارعا توقتالىپ ءوتتى. بىرىنشىدەن, بىرلەستىككە مۇشە ەلدەر اۋماعىندا بيزنەسكە دەگەن كەدەرگىلەردى جويۋعا, سون­داي-اق شەكتەۋلەردى الىپ تاستاۋ ماسەلەسى بولسا, ەكىنشىسى –  كو ەلدەرى كاسىپورىندارىن وزگە رى­نوكتاردا باسەكەلەستىككە قا­بىلەتتى بولا الاتىن دەڭگەيگە جەتكىزۋ. ۆەنەرا تۇگەلباي.