ايماقتار • 27 ءساۋىر، 2020

ماڭعىستاۋدان 9 بالا رەسپۋبليكالىق ورتالىقتارعا جەتكىزىلدى

235 رەت كورسەتىلدى

Covid-19 ۆيرۋسىنا بايلانىستى الەمدە پاندەميا جاريالانعان كۇننەن باستاپ، ەلىمىزدە توتەنشە جاعداي ەنگىزىلگەنى بەلگىلى. بۇل رەتتە وڭىردە كارانتين جاريالانىپ، سانيتارلىق-ەپيدەميولوگيالىق تۇرعىدان جاعداي تۇراقسىز بولۋىنا وراي، ماڭعىستاۋ وڭىرىنەن 2 ايلىق ءسابي جانە 11 جاسقا دەيىنگى بارلىعى 9 بالا ەمىن رەسپۋبليكالىق ەمدەۋ مەكەمەلەرىندە جالعاستىرادى. بۇل تۋرالى ماڭعىستاۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى حابارلادى.

سانيتارلىق اۆياتسيانىڭ كومەگىمەن الماتى قالاسىنداعى پەدياتريا جانە بالالار حيرۋرگياسى عىلىمي ورتالىعىنا 5 بالا، ال نۇر-سۇلتان قالاسىنداعى ۇلتتىق عىلىمي مەديتسينالىق ورتالىعىنا 4 بالا جىبەرىلدى. ەمدەلۋشى 9 بالا ۇستىمىزدەگى جىلدىڭ 16 ناۋرىزى مەن 21 ءساۋىر ارالىعىندا جولدامامەن جىبەرىلگەن بولاتىن.

ماڭعىستاۋ وبلىسى كوپبەيىندى بالالار اۋرۋحاناسى ديرەكتورىنىڭ ەمدەۋ ءىسى جونىندەگى ورىنباسارى گۇلجان ەرمەكباەۆانىڭ ايتۋىنشا، مەديتسينالىق ۇيىم كارانتين رەجيمىندە جۇمىس جاساۋعا كوشكەن. بۇل رەتتە اۋرۋحانادا جوسپارلى وتالار جانە كەيبىر ەمدەلۋشىلەردى جاتقىزۋعا شەكتەۋ جاسالعان. ال اۋداندارمەن بايلانىس ۇزىلگەن جوق، بارلىق مەديتسينالىق كەڭەستەر تەلەمەديتسينا ارقىلى جۇزەگە اسىرىلادى. 

- نەگىزىنەن رەسپۋبليكالىق ورتالىقتارعا سۋبۇيرەك، نەسەپ-تاس اۋرۋى، وتكىر اققاندىلىق، تۋا بىتكەن جۇرەك كەمىستىگى، باس ميى ىسىگى، مۋكوۆيستسيدوز دياگنوزىمەن جىبەرىلەدى. ايتا كەتۋ كەرەك، ەگەر كىشكەنتاي ناۋقاستا ءبىرىنشى رەت اققاندىلىق (لەيكوز) انىقتالاتىن بولسا، حيميالىق تاسىلمەن ەمدەۋ تەك الماتى شاھارىندا عانا وتكىزىلەدى. ال، ءبىز ءوزىمىزدىڭ اۋرۋحانادا دەمەۋشى ەم جۇرگىزەتىن بولامىز. جوعارىدا اتاپ وتكەن 9 بالاداعى اۋرۋدىڭ اسقىنۋىنا بايلانىستى الماتى جانە نۇر-سۇلتان قالاسىنداعى ۇلتتىق ورتالىقتارعا جىبەرۋ تۋرالى شەشىم قابىلداندى، دەيدى گۇلجان ەرمەكباەۆا.

 

ماڭعىستاۋ وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار