71 جاستاعى قاريا اقتاۋ قالاسىنىڭ تۇرعىنى, وسىعان دەيىن ۆيرۋسپەن تىركەلگەن 24 جاستاعى پوليتسيا قىزمەتكەرىنىڭ اتاسى.
ول ناۋقاستارمەن بايلانىستا بولعاندىقتان پروۆيزورعا جاتقىزىلعان. سانيتارلىق دارىگەرلەردىڭ ايتۋىنشا, پتر دياگنوستيكالىق زەرتتەۋ ناتيجەلەرى بويىنشا COVID-19 دياگنوزى ناقتىلاندى. بۇل مەكەن جاي وسىعان دەيىن كارانتينگە جابىلىپ, دەزينفەكتسيالانعان.
ەپيدەمياعا قارسى ءىس-شارالار جالعاسۋدا. 26 ساۋىردەگى جاعداي بويىنشا وڭىردە بارلىعى 27 ادامنان COVID-19 ۆيرۋسى تىركەلدى.
اقتاۋدا – 16, جاڭاوزەندە – 4, ماڭعىستاۋ اۋدانىندا – 4, مۇنايلى اۋدانىندا – 3 ادام. جازىلىپ شىققانى – 4 ادام, 1 ادام قايتىس بولدى. اۋىرعانداردىڭ كونتينگەنتى بويىنشا: مەديتسينا قىزمەتكەرى – 1 جاعداي, پوليتسيا قىزمەتكەرلەرى – 5 ادام, اسكەري قىزمەتكەر – 2 جاعداي, زەينەتكەر – 3 جاعداي جانە جۇمىسسىزدار – 14 ادام, بالا – 2.
ماڭعىستاۋ وبلىسى
