ايماقتار • 25 ءساۋىر، 2020

ماڭعىستاۋدا كاسىپكەرلەر دارىگەرلەرگە ۇلتتىق تاعام جەتكىزدى

53 رەت كورسەتىلدى

ماڭعىستاۋ وبلىسى كاسىپكەرلەر پالاتاسىنىڭ ۇيىمداستىرۋىمەن وڭىردە كۇن-ءتۇن دەمەي كوروناۆيرۋسپەن كۇرەسىپ جۇرگەن دارىگەرلەرگە ازىق-ت ۇلىك جەتكىزىلدى. ولاردىڭ دەنى ۇلتتىق تاعامدار.

قازى، باۋىرساق، بالقايماق، ىرىمشىك، قۇرت، برىنزا، قىمىز، شۇبات اق جەلەڭدى جانداردىڭ يممۋنيتەتىن كۇشەيتىپ، قۇنارلى دا تابيعي اس بولادى دەدى ۇيىمداستىرۋشىلار.

بۇل تۋرالى ماڭعىستاۋ وبلىسى كاسىپكەرلەر پالاتاسىنىڭ ءباسپاسوز قىزمەتى حابارلادى.

ماڭعىستاۋلىق كاسىپكەرلەردىڭ قولدارىنان شىققان ونىمدەر شىن ىقىلاسپەن تابىس ەتىلدى.

- وتباسىنان الىس، حالىقتىڭ دەنساۋلىعى ءۇشىن تىنىمسىز ەڭبەك ەتىپ جاتقان دارىگەرلەرگە وسىلاي العىسىمىزدى ءبىلدىرىپ جاتىرمىز. جەرگىلىكتى كاسىپكەرلەر ەككەن كوكونىستەر مەن قولدان دايىندالعان تابيعي ۇلتتىق تاعامدار اكەلدىك. ءۇيدىڭ تاماعىن ساعىنىپ، بالا-شاعاسىنا جەتە الماي وتىرعان مەديتسينا قىزمەتكەرلەرىنە كۇش-قۋات، ءنار بولسىن دەگەن نيەتتە اتقارىلعان شارۋا،- دەيدى ماڭعىستاۋ وبلىسى كاسىپكەرلەر پالاتاسى جانىنداعى كقكو ءبولىم باسشىسى ەرعالي انەسوۆ. 

كۇتپەگەن جەردەن كەلگەن سىي-سياپاتقا اق حالاتتى ابزال جاندار ريزا بولدى. «كوپتەگەن جەرلەستەرىمىز ءبىز ءۇشىن الاڭداپ، ءبىزدىڭ دەنساۋلىعىمىزدى دا ۋايىمداپ جاتىر. وسىنداي ازىق-ت ۇلىككە دەيىن كوپتەپ جەتكىزۋدە، العىسىمىز شەكسىز»،- دەيدى دارىگەرلەر.

وڭىرلىك كاسىپكەرلەر پالاتاسىنىڭ باستاماسىمەن وسىعان دەيىن بلوك پوستتارعا دا ازىق-ت ۇلىك جەتكىزىلگەن ەدى.

 

 

ماڭعىستاۋ وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار