كوروناۆيرۋس • 25 ءساۋىر، 2020

ەپيدەميولوگ پەن بيولوگ-عالىم كارانتيننىڭ قاشان بىتەتىنىن ايتتى

3609 رەت كورسەتىلدى

عالىمدار كارانتيننىڭ قاشان بىتەتىنىنە قاتىستى ويلارى مەن تۇجىرىمدارىن جاس عالىمدار اليانسى ۇيىمداستىرعان «عىلىمتانۋ» ەركىن تالقىلاۋ الاڭىندا ايتتى. 

اقش-تاعى پيتتسبۋرگ ۋنيۆەرسيتەتى «ەپيدەميولوگيا» ماماندىعىنىڭ ماگيسترى، استانا ۇلتتىق زەرتحاناسىنىڭ گيگيەنيست-ەپيدەميولوگى ايىم قايىرلىقىزى قوعام مۇشەلەرىنىڭ قازىرگىدەي ماسكانى تاعۋى قاۋىپتى كۇشەيتەتىنىن ايتادى. ويتكەنى ولار ماسكانى مۇلدە تاقپايدى نەمەسە دۇرىس تاقپايدى.

– قازىر ادامدار اراسىندا «ماسكا قاۋىپتى ىندەتتەن قورعاي ما، جوق پا؟» دەگەن سۇراققا تارتىستى جاۋاپتار كەڭ تارالىپ كەتتى. 1000 رەت قايتالاپ ايتۋعا بارمىن، ماسكا كەرەك! ونى تاعۋعا ءتيىسپىز جانە دۇرىستاپ، سانيتارلىق تالاپتاردى ساقتاپ قولدانۋىمىز قاجەت. قازىرگى ادامداردىڭ ماسكاعا دەگەن سالعىرتتىعى كەرىسىنشە قاۋىپتى كۇشەيتەدى.

كارانتينگە كەلسەك، ماماندار بەكىتكەن رەكومەنداتسيا مەن تالاپتاردى ساقتاۋىمىز قاجەت. سەبەبى قول جۋ سەكىلدى قاعيدالار قاراپايىم  بولعانىمەن، ونىڭ ءتيىمدى ارەكەت ەكەنى عىلىمي تۇرعىدا دالەلدەنىپ قويعان. سوندىقتان ساقتاۋ قاجەت. ولاي بولماعاندا كارانتين تەك قانا ۇزارتىلا بەرەدى. قازاقستاندا كارانتيننىڭ ءبىتۋى ءار وبلىستا ءارتۇرلى بولادى. بۇل سول ايماقتاعى ۆيرۋستىڭ تارالۋ قارقىنىنا بايلانىستى، – دەيدى ەپيدەميولوگ ا.قايىرلىقىزى.

ال بيومەديتسينالىق ينجينەريا باعىتىندا نازارباەۆ ۋنيۆەرسيتەتىنىڭ دوكتورانتۋراسىن بىتىرگەن عالىم، Cellular Therapeutics كومپانياسىنىڭ نەگىزىن قالاۋشى بولات سۇلتانقۇلوۆ كارانتين بىتسە دە ۆيرۋس بىزبەن بىرگە قالاتىنىن ايتادى. سوندىقتان ساقتىق ءاردايىم قاجەت.

– بۇگىنگى ونلاين وتىرىسىمىزعا ارقاۋ بولعان COVID-19-دىڭ اڭىزى مەن اقيقاتى تۋرالى ايتساق، عىلىمعا قاتىسى جوق ادامدار ۆيرۋستىڭ ويدان قۇرالعان جالعان نارسە ەكەنىن ايتىپ ءجۇر. بۇل – اڭىز، وتىرىك، ويتكەنى ۆيرۋس شىنىمەن دە بار. جانە ينفەكتسيا ۇلت تاڭدامايدى. سول سەبەپتى «ەت جەگەن قازاققا كوروناۆيرۋس جۇقپايدى ەكەن» دەيتىن جاڭساق پىكىرلەردەن ساق بولعان ابزال. جوعارىدا ايتقان ارىپتەسىمنىڭ سوزىنە تولىقتاي كەلىسەمىن، كارانتيننىڭ قاشان بىتەتىنى بىزگە بايلانىستى.

دەگەنمەن ءبىر نارسەنى ەسكە سالعىم كەلەدى: كارانتين الىنسا دا ۆيرۋس بىزبەن بىرگە قالادى. سوندىقتان اسىرەسە اۋرۋ بەلگىلەرى بار ادامدار مىندەتتى تۇردە ماسكا تاعۋ كەرەك. قوعامدا تولاسسىز تاراعان اقپاراتقا دا عالىم رەتىندەگى جاۋابىم سول – ماسكا ناۋقاستىڭ ۆيرۋستى ساۋ ادامعا تاراتۋىنا توسقاۋىل بولادى، – دەدى بيولوگ ب.سۇلتانقۇلوۆ.

سوڭعى جاڭالىقتار

شىعىس قازاقستاندا جەر سىلكىندى

ايماقتار • بۇگىن، 15:15

باس قالا تاريحى قامتىلعان كورمە

رۋحانيات • بۇگىن، 13:36

260 ناۋقاس رەانيماتسيادا جاتىر

قازاقستان • بۇگىن، 11:50

شەكارادا شەكتەۋ بار

قازاقستان • بۇگىن، 11:13

ۇقساس جاڭالىقتار