بىراق, بۇل ايماقتاعى قوعامدىق قاۋىپسىزدىك ءۇشىن الاڭداماۋعا بولمايدى دەگەندى بىلدىرمەيدى ەكەن. ويتكەنى, اۋىر قىلمىس ازايعانىمەن ۇساق بۇزاقىلىق پەن ىشىمدىككە بوي الدىرعاندار سانى ءوسىپتى. اسىرەسە قوعامدىق ورىنداردا ماس كۇيىندە توبلەس شىعاراتىندار مەن كولىك رولىنە قىزىپ الاتىندار ءبىرشاما بولىپتى. جىل باسىنان بيۋەرى وبلىس پوليتسەيلەرى زاڭ بۇزۋشىلىقتىڭ وسى ەكى ءتۇرى بويىنشا 2668 دەرەكتى انىقتاپ, ءتۇرلى شارا قولدانعان. ءتىپتى, 53 ادامدى اراقتان ءماجبۇرلى تۇردە ەمدەيتىن ورتالىقتارعا جىبەرگەن ەكەن.
ماس دەمەكشى, سوڭعى كۇندەردە كولىكتى قىزۋ كۇيدە جۇرگىزگەن بىرنەشە ادام سانيتارلىق بەكەتتەردى بۇزىپ وتۋگە ارەكەتتەنىپتى. شامالى ۋاقتى بۇرىن الماتى قالاسىنداعى كارانتيندىك توسقاۋىلدى قيراتىپ, پوليتسەيدى جارالاعان قاراساي اۋدانىنىڭ تۇرعىن ۇستالعان ەدى. ال جاقىندا ىلە اۋدانى اۋماعىنداعى سانيتارلىق بەكەتتەن ءتارتىپ ساقشىلارىنا قارسىلىق كورسەتكەن «تويوتا لاند كرۋزەر» كولىگىن مىنگەن ازاماتتىڭ قولىنا كىسەن سالىندى. ول بۇعان دەيىن-اق ماس كۇيىندە ماشينا ايداعانى ءۇشىن ۇستالىپ, 5 جىلعا كولىك جۇرگىزۋ قۇقىقىعان ايىرىلعان ەكەن. ال الاكول اۋدانى كولباي اۋىلىنىڭ ەكى تۇرعىنى دا سانيتارلىق بەكەتتى اينالىپ ءوتۋ كەزىندە ۇستالعان. تەكسەرە كەلگەندە ولاردىڭ ىشىمدىك ىشكەنى انىقتالعان. جالپى ءىشىپ الىپ كولىك جۇرگىزگەن 38 ازامات قولعا تۇسكەن ەكەن
سونداي-اق توتەنشە جاعداي جاريالانعالى بەرى پوليتسەيتسلەرگە قارسىلىق تانىتىپ, قىزمەت بابىنداعى بيلىك وكىلدەرىنە كۇش قولدانباق بولعاندار كوبەيگەن. ءتارتىپ ساقششىلارى وسى دەرەك بويىنشا 12 ادامدى قاماپ, ولارعا قاتىستى قىلمىستىق ءىس قوزعالىپتى.
