اۋليەاتا وڭىرىندە دە ۇلى جەڭىس مەرەكەسى وزىندىك ءسان-سالتاناتىمەن اتالىپ وتىلەدى. جامبىل وبلىستىق اكىمدىگىنىڭ مالىمەتىنشە, وڭىردە ۇلى جەڭىستىڭ 75 جىلدىعىن مەرەكەلەۋگە ارنالعان ءىس-شارالار جوسپارى بەكىتىلدى. بارلىق مەرەكەلىك ءىس-شارالار ونلاين-فورماتتا وتەدى. سونىمەن قاتار, قىركۇيەك ايىندا مەكتەپتەردە پاتريوتتىق جانە ەرلىك ساباقتارىن وتكىزۋ جوسپارلانۋدا.
بۇگىنگى تاڭدا جامبىل وبلىسىندا ۇلى وتان سوعىسىنىڭ 57 ارداگەرى مەن مۇگەدەگى تۇرادى. ولاردىڭ ارقايسىسىنا ۇلى جەڭىس كۇنىنە وراي 1 ميلليون تەڭگەدەن الەۋمەتتىك كومەك كورسەتىلەدى. سونىمەن قاتار, ۇلى وتان سوعىسىنىڭ قاتىسۋشىلارى مەن مۇگەدەكتەرىنە تەڭەستىرىلگەن 1989 ادام 100 مىڭ تەڭگەدەن الادى. تىل ەڭبەككەرلەرى دە نازاردان تىس قالماعان. سوعىس جىلدارىندا تىلدا 6 ايدان استام جۇمىس ىستەگەن 4742 ادامعا 50 مىڭ تەڭگەدەن بەرىلەدى. ۇلى وتان سوعىسىنا قاتىسۋشىلاردىڭ 337 جەسىرى مەن سوعىس مۇگەدەكتەرىنىڭ ايەلدەرى دە الەۋمەتتىك كومەككە يە بولادى. لەنينگراد قورشاۋىنىڭ ءۇش بۇرىنعى تۇتقىنىنا جانە كونتسلاگەردىڭ ءۇش تۇتقىنىنا 60 مىڭ تەڭگەدەن تولەنەدى. سونداي-اق, ۇلى وتان سوعىسىنىڭ ارداگەرلەرى مەن تىل ەڭبەككەرلەرىنە مەملەكەت باسشىسىنىڭ اتىنان مەدالدار, العىس حاتتار مەن ازىق-ت ۇلىك سەبەتتەرى بەرىلەدى. ال, جامبىل وبلىسىنىڭ اۋماعىندا 197 سوعىس باتىرلارىنا ەسكەرتكىش ورناتىلعان. ونىڭ ىشىندە 11-ءى مەموريالدىق تاقتا. كەڭەس وداعىنىڭ باتىرلارى مەن «داڭق» وردەنى يەگەرلەرىنىڭ ەسىمدەرى وبلىس بويىنشا ءبىر ەلدى مەكەنگە, ءۇش اۋىلدىق وكرۋگكە, 41 نىسانعا, 575 كوشەگە بەرىلگەن.
جامبىل وبلىسى
