«كارانتيندىك جاعدايعا قاراماستان, اۋىل شارۋاشىلىعى تاۋارىن وندىرۋشىلەر كوكتەمگى دالا جۇمىستارىنىڭ مەرزىمىن ساقتاۋدا. ەگىس ناۋقانى 7 وڭىردە جۇرگىزىلۋدە. ەلىمىزدىڭ وڭتۇستىك وڭىرلەرىندە جازدىق ەگىس القابىنىڭ 16-دان 80%-عا دەيىنى ەگىلدى. جامبىل وبلىسىندا 326 مىڭ گا, الماتى وبلىسىندا – 239 مىڭ گا, تۇركىستان – 230 مىڭ گا, قىزىلوردا – 28 مىڭ گا ەگىن ەگىلدى», دەدى اۋىل شارۋاشىلىعىنىڭ ءبىرىنشى ۆيتسە-مينيسترى ايداربەك ساپاروۆ.
سونداي-اق ول باتىس قازاقستان, پاۆلودار جانە اتىراۋ وبلىستارىندا ەگىن ەگۋ باستالعانىن ايتتى.
«24 ساۋىردەگى جاعداي بويىنشا رەسپۋبليكانىڭ قالعان وڭىرلەرىندە ەگىس الدىنداعى جۇمىستارى جۇرگىزىلۋدە. وڭىرلەر ارزانداتىلعان جانار-جاعارمايمەن, تۇقىمدارمەن قامتاماسىز ەتىلگەن, تىڭايتقىشتاردى جونەلتۋ جۇرگىزىلۋدە. تەحنيكالار دايىن», دەدى ول.
