قوعام • 24 ءساۋىر، 2020

500 ملن تەڭگە كولەمىندەگى ايىپپۇل مەن تولەمنەن بوساتىلدى

39 رەت كورسەتىلدى

«قازاقستان تەمىر جولى» ۇك» اق توتەنشە جاعداي كەزەڭىندە جۇك تاسىمالدارىمەن بايلانىستى ايىپپۇلدار، الىمدار مەن تولەمدەردى  الىپ تاستاعانىن حابارلايدى. بۇل تۋرالى «اتامەكەن» ۇلتتىق كəسىپكەرلەر پالاتاسىنىڭ سايتىندا جاريالاندى.

اتاپ ايتقاندا، شىلدەنىڭ 1-نە دەيىن جۇك تاسىمالداۋ جوسپارى بويىنشا تاپسىرىستى ورىنداماۋعا ارنالعان ايىپپۇل، 48 ساعاتتان استام ۋاقىت تۇرىپ قالعان جۇكتى ساقتاۋعا 10 ەسە مولشەردەگى الىم، ۆاگوندار مەن كونتەينەرلەردى پايدالانۋعا ارنالعان تولەم، سول سەكىلدى مانەۆرلى لوكوموتيۆتىڭ قوزعالىسىنا بايلانىستى الىم سالۋ توقتاتىلدى. سونداي-اق «تەمىرجول كولىگى تۋرالى» قر زاڭىنىڭ 77-بابىندا كورسەتىلگەن جۇك تاسىمالداۋ جوسپارى بويىنشا تاپسىرىستى ورىنداماۋ ءۇشىن ايىپپۇل سالۋ شەكتەلەدى. بۇل ورايدا ۇلتتىق پالاتا ايىپپۇلدارعا ۇشىراعان كاسىپكەرلىك سۋبەكتىلەرىنىڭ ءوتىنىشى بويىنشا قتج باسشىلىعىمەن بىرنەشە كەلىسسوزدەر جۇرگىزدى. تۇتاستاي العاندا، جۇك جونەلتۋشىلەر 500 ملن تەڭگە مولشەرىندەگى ايىپپۇلدار مەن تولەمدەردەن بوساتىلادى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ۇقساس جاڭالىقتار