17:01
ەۋروپا وداعى ەكونوميكانى قالپىنا كەلتىرۋ ءۇشىن تريلليون قورىن قۇرماق
ەو كوشباسشىلارى بەينە بايلانىس ارقىلى پاندەميامەن كۇرەسكە ارنالعان سامميت وتكىزدى. ولار كوروناۆيرۋس ىندەتىنەن اسا زارداپ شەككەن ەلدەرگە جانە ەۋروپالىق كومپانيالارعا كومەك كورسەتۋ ءۇشىن ارنايى قور قۇرۋعا شەشىم قابىلدادى.
قور الداعى ەكى اي ىشىندە قۇرىلۋى كەرەك. ەو-دا شامامەن 1,5 ترلن ەۋرو جينالادى دەپ ۇمىتتەنەدى. وسىلايشا, 1 ماۋسىمعا قاراي كاسىپكەرلەر مەن جۇمىسشىلارعا كومەك كورسەتۋ ءۇشىن 540 ملرد ەۋرو سوماسىنا نەسيە پاكەتى دايىن بولادى.
15:50
رەسەيدە وتكەن تاۋلىكتە COVID-19 ۆيرۋسىن جۇقتىرعان تاعى 5 849 ادام تىركەلدى
ولاردىڭ 46,1%-ىندا اۋرۋدىڭ ەش كلينيكالىق بەلگىلەرى بايقالماعان. ەلدە جاقىندا 60 ادام كوز جۇمىپ, 677 ناۋقاس جازىلىپ شىقتى.
رەسەيدە بارلىعى 68 622 ۆيرۋس جۇقتىرعان ناۋقاس انىقتالعان.
ۋكراينادا كوروناۆيرۋس ينفەكتسياسىن 477 ادامنىڭ جۇقتىرعانى انىقتالدى
قازىرگى ۋكراينادا بارلىعى 7 647 ادامنىڭ ۆيرۋس جۇقتىرعانى انىقتالعان. بۇعان قوسا, ەلدە تاعى 97 ادام اۋرۋىنان ايىقتى. كوروناۆيرۋستى جەڭىپ, ساۋىعىپ شىققانداردىڭ جالپى سانى 601-گە جەتتى.
يتاليادا 2 646 ادام ۆيرۋس جۇقتىردى
يتاليادا ۆيرۋس جۇقتىرعانداردىڭ جالپى سانى 189 973-كە جەتتى. COVID-19-دان سوڭعى دەرەكتەر بويىنشا تاعى 464 ادام كوز جۇمعان. جالپى قايتىس بولعاندار سانى — 25 549. جازىلىپ شىققاندار سانى 57 576 ادامعا جەتتى. كوروناۆيرۋستى انىقتاۋعا 66 000-عا جۋىق تەست جاسالدى.
اقش-تا COVID-19 جۇقتىرعاندار سانى 869 مىڭنان استى
كوروناۆيرۋس ينفەكتسياسىنان 47,8 مىڭنان استام ادام كوز جۇمعان. اقش-تا سوڭعى 10 كۇندە قايتىس بولعان ادامدار سانى 2 ەسەگە ارتتى. 84,1 مىڭ ادام اۋرۋىنان ايىعىپ شىقتى.
بەلارۋستە ۆيرۋس جۇقتىرعان تاعى 741 ادام تىركەلدى
بۇل ەلدە بارلىعى 8 022 ادام قاۋىپتى ۆيرۋس جۇقتىرعان. بۇعان قوسا, جاقىندا تاعى 2 ادام كوز جۇمدى. جالپى 60 ناۋقاس كوروناۆيرۋستان قايتىس بولدى.
قىتايدا وتكەن تاۋلىكتە COVID-19-دى التى ادام جۇقتىرعان, ءولىم-ءجىتىم تىركەلگەن جوق
12:10
الەمدە رامازان ايى قالاي باستالدى؟
بۇگىن دۇنيەجۇزىندەگى مۇسىلمان قاۋىمى ءۇشىن قاسيەتتى رامازان ايى باستالدى. الەمدى جايلاعان پاندەميامەن تۇسپا-تۇس كەلگەن بيىلعى رامازان ءتۇرلى ەلدە قالاي باستالدى؟
تۇركيا كوروناۆيرۋستىڭ تارالۋىن توقتاتۋ ءۇشىن 31 پروۆينتسياسىندا ءتورت كۇندىك شەكتەۋ جاريالادى.
حالىق كوپ جينالاتىن ءدىني شارالار بولمايدى جانە اۋىزاشارعا ارنالعان ارنايى ورىندار دا جابىق بولادى.
ناۋبايحانالار اۋىزاشار الدىندا ەكى ساعات بۇرىن نان ساتۋدى توقتاتادى. بۇل - ادامداردىڭ كوپ شوعىرلانۋىن بولدىرماۋدىڭ امالى, سەبەبى ورازا ۇستاۋشىلار اراسىندا ۇلتتىق نان اسا تانىمال. اۋىزاشار ۋاقىتىنان كەيىن ءارى قاراي جۇمىسىن جالعاستىرا بەرەدى.
بازارلاردا ادامداردىڭ ارا قاشىقتىق ساقتاۋى جانە ماسكا تاعۋى قاداعالانادى.
مەشىتتەر جابىق, ەل بيلىگى قۇلشىلىقتى ۇيدە وتباسىمەن جاساۋعا شاقىردى.
يندونەزيا پروۆينتسيالار اراسىندا اسا قاجەت ەمەس ساپارلاردى شەكتەدى.
ەلدە اۋە رەيستەرى 1 ماۋسىمعا دەيىن, ال تەڭىز ساياحاتى 8 ماۋسىمعا دەيىن توقتاتىلعان.
رامازاننىڭ العاشقى كۇنىندەگى قۇلشىلىق/ مەدان قالاسى, سولتۇستىك سۋماترا پروۆينتسياسى
ەگيپەتتە ەنگىزىلگەن قاتاڭ شارالار رامازان ايىمەن باسەڭدەي باستايدى. كەيبىر بيزنەستەر قايتا اشىلۋعا رۇقسات الدى. تۇنگى كومەندانتتىق ساعات ۋاقىتى دا قىسقاردى.
ساۋدا ورتالىقتارى مەن وزگە بيزنەستەر دەمالىس كۇندەرى اشىلادى, بىراق كەشكى ساعات 5-تە جابىلۋى كەرەك.
مەشىتتەر جابىق جانە بارلىق ءدىني جيىندارعا تىيىم سالىنعان.
بىرىككەن اراب امىرلىكتەرى جالپىۇلتتىق كومەندانتتىق ساعاتتى ەكى ساعاتقا قىسقارتتى.
26 ناۋرىزدان باستاپ تاۋلىك بويى كومەندانتتىق ساعات ەنگىزىلگەن دۋبايدا بيلىك كومەندانتتىق ساعاتتى تاڭعى 6-دان كەشكى 10-عا دەيىن توقتاتقانىن مالىمدەدى.
دۋبايدا ءدامحانالار مەن مەيرامحانالارعا جۇمىس ىستەۋگە رۇقسات ەتىلدى, ال ساۋدا ورتالىقتارى تۇستەن كەشكى 10-عا دەيىن اشىق بولادى.
قوعامدىق كولىك قىزمەتتەرى جەكسەنبى كۇنى قايتا ىسكە قوسىلادى, بىراق جۇمىسقا شىققان قىزمەتكەرلەردىڭ 30 پايىزى كۇن سايىن دەنە قىزۋىن ولشەپ تۇرۋى كەرەك.
مەشىتتەر, كينوتەاترلار مەن بالالار الاڭدارى ازىرگە جابىق.
الجير تۇنگى كومەندانتتىق ساعاتتى قىسقارتاتىن بولدى. ودان بولەك تولىعىمەن جابىق بولعان ەل استاناسىنا جاقىن ماڭداعى پروۆينتسيا كەيبىر شەكتەۋلەرمەن قايتا اشىلادى. بۇل تۋرالى كەشە بەيسەنبىدە پرەمەر-ءمينيستردىڭ كەڭسەسى حابارلادى.
11:13
يسپانيا كارانتين رەجيمىن باسەڭدەتۋدى جوسپارلاپ وتىر
كەشە ەلدە كوروناۆيرۋس ينفەكتسياسىنان تاعى 440 ناۋقاس قايتىس بولدى, بۇل ودان الدىڭعى تاۋلىكتە قايتىس بولعانداردىڭ سانىنان كوپ. تاعى 4 635 ادامنىڭ ۆيرۋس جۇقتىرعانى انىقتالدى.
جالپى العاندا, يسپانياداعى كوروناۆيرۋستان كوز جۇمعاندار سانى 22 مىڭ ادامنان استى.
دەگەنمەن يسپانيادا ىندەتتىڭ تارالۋى باسەڭدەپ كەلەدى. ەل ۇكىمەتى كارانتين رەجيمىن مامىر ايىنىڭ ورتاسىنان باستاپ السىرەتۋدى جوسپارلاپ وتىر.
14 جاسقا تولماعان بالالارعا وسى جەكسەنبى كۇنى دالادا سەرۋەندەۋگە رۇقسات ەتىلەدى. بۇعان دەيىن ولارعا ۇيدەن شىعۋعا تىيىم سالىنعان ەدى.
10:23
وڭتۇستىك كورەيادا وتكەن تاۋلىكتە التى ادامنىڭ ۆيرۋس جۇقتىرعانى, 90 ادامنىڭ ساۋىعىپ شىققانى بەلگىلى بولدى
قايتىس بولعاندار سانى وسكەن جوق, بالىعى 240 ادام. ەلدە ۆيرۋس جۇقتىرعانداردىڭ جالپى سانى 10 708-گە دەيىن ءوستى, بارلىعى 8 501 ادام جازىلىپ شىقتى.
كوروناۆيرۋس جۇقتىرعان ادامدار سانىنىڭ ەل ىشىندە ازايۋىنا بايلانىستى بيلىك جەڭىلدەتىلگەن الەۋمەتتىك قاشىقتىقتى ساقتاۋ رەجيمىن 5 مامىرعا دەيىن ۇزارتتى.
ساياباقتار, تابيعاتتا دەمالۋ ورىندارى قايتا اشىلادى, سپورت, ءدىن جانە ويىن-ساۋىق نىساندارى شەكتەۋلى تۇردە قىزمەتىن قايتا جالعاستىرادى. ەل بيلىگى ازاماتتاردان بۇرىنعىسىنشا حالىق كوپ جينالاتىن جەرلەرگە بارماۋدى, ۇيدەن سەبەپسىز شىقپاۋدى, الدىن الۋ شارالارىن ساقتاۋدى سۇرادى.
وڭتۇستىك كورەيا ۇكىمەتى بارلىق ازاماتتارعا كوروناۆيرۋسقا بايلانىستى ماتەريالدىق كومەك كورسەتەتىنىن جاريالادى.
10:02
دۇنيەجۇزىندە كوروناۆيرۋس ينفەكتسياسىن جۇقتىرعان 2 708 885 ادام تىركەلگەن.
قايتىس بولعاندار سانى 190 858 ادام, جازىلىپ شىققاندار 738 486 ادام.
