ءۇشىنشى تۋردا كوش باسىندا كەلە جاتقان قوس ويىنشى – نورۆەگيالىق ماگنۋس كارلسەن مەن امەريكالىق فابيانو كارۋانا كەزدەستى. بۇل باسەكەدە 3:1 ەسەبىمەن سكانديناۆيا تۇبەگىنىڭ تۇلەگى جەڭىسكە جەتتى. كەلەسى كەزدەسۋ اقش-تىڭ تاعى ءبىر وكىلى حيكارۋ ناكامۋرا مەن اليرەزا فيرۋدجا اراسىندا ءوتىپ, العاشقىسىنىڭ مەرەيى ۇستەم بولدى – 3,5:0,5. ەندى ساناۋلى ساعاتتاردان كەيىن ماكسيم ۆاشە-لاگراۆ (فرانتسيا) مەن دين ليجەن (قىتاي) جانە يان نەپومنياششي (رەسەي) مەن انيش گيري (نيدەرلاند) شەبەرلىك بايقاسادى.
باستى باسەكەلەسىنەن باسىم تۇسكەن ماگنۋس كارلسەن جارىس كەستەسىندە جەكە-دارا كوش باستادى. ونىڭ ەنشىسىندە 8 ۇپاي بار. حيكارۋ ناكامۋرا ەكىنشى ورىنعا كوتەرىلدى. ول 7 ۇپايدى ولجالاپ وتىر.
ەستەرىڭىزگە سالا كەتەيىك, ەكىنشى تۋردا ماگنۋس كارلسەن اليرەزا فيرۋدجيدەن, ال حيكارۋ ناكامۋرا انيشا گيريدەن باسىم ءتۇستى. بۇل كەزدەسۋلەردىڭ ەكەۋىندە دە 2,5:1,5 ەسەبى تىركەلدى. يان نەپومنياششي ماكسيم ۆاشە-لاۆگراۆتى 3:2 ەسەبىمەن ۇتتى. فابيانو كارۋانا مەن قىتايلىق ليجەن دين اراسىنداعى تارتىستا ءدال سونداي ەسەپپەن العاشقىسىنىڭ پايداسىنا شەشىلدى.
