سالماعى 2,7 كەلى دەنى ساۋ قىز دۇنيەگە كەلگەن. جاڭا تۋعان نارەستەدەن Covid-19-عا تالداۋ الىنعان. ماماندار ناتيجەسى دايىن ەكەندىگىن ايتادى, قورىتىندى تەرىس كورسەتتى. دارىگەرلەردىڭ ايتۋىنشا, قازىر ءسابي ءوزىن جاقسى سەزىنەدى جانە پروۆيزورلىق ستاتسيوناردىڭ بالالار پالاتاسىندا اۋىستىرىلدى. نارەستەنى بىلىكتى مەديتسينا قىزمەتكەرلەرى ۇزدىكسىز قاداعالايتىن بولادى.
ەسكە سالا كەتەيىك, پروۆيزورلىق ستاتسيونارعا تۇسكەن ناۋقاس ايەل جۇكتىلىكتىڭ 36-اپتاسىندا بولعان. ودان كوروناۆيرۋس ينفەكتسياسى انىقتالىپ, بوسانعان ايەلدىڭ جاعدايى تۇراقتى دەپ باعالانىپ وتىر. ول ينفەكتسيالىق ستاتسيوناردا ەم الۋدى جالعاستىرادى. ايتا كەتەيىك, ۆيرۋس جۇقتىرعان ايەلدى بوساندىرۋ وبلىستىق پەريناتالدىق ورتالىقتىڭ, اكۋشەرلىك, گينەكولوگيا جانە پەريناتولوگيا عىلىمي ورتالىعىنىڭ (الماتى), احۋالدىق ورتالىقتىڭ (نۇر-سۇلتان) ماماندارىمەن كەلىسىلگەن.
ماڭعىستاۋ وبلىسى
