بيىل كۇزدە 60 جاسقا تولعالى وتىرعان ايتۋلى ازاماتتىڭ وتە كەرەمەت فۋتبولشى بولعانى ەش داۋ تۋعىزبايدى. 1986 جىلى مەكسيكادا وتكەن فۋتبول تويىندا جۇلدىزى جارقىراي جانعان مارادونا ارگەنتينانىڭ الەم چەمپيونى اتانۋىنا سۇبەلى ۇلەس قوستى. سول جارىستىڭ ەڭ ۇزدىك ويىنشىسى اتاعى ءداپ سول جىگىتكە بۇيىردى. 1990 جىلى يتاليادا بۇل كوماندا كۇمىس مەدالدى يەلەندى. 1977-1994 جىلدار ارالىعىندا ارگەنتينا قۇراماسىنىڭ نامىسىن قورعاعان ول 91 ويىن وتكىزىپ, 34 گول سوقتى. كەزىندە ءتۇرلى كلۋبتاردىڭ ساپىندا ونەر كورسەتكەن ديەگو يتاليانىڭ ء«ناپوليىنىڭ» باعىن اشتى. بۇرىندارى ورتاڭ قول كوماندا سانالاعان ولار مارادونانىڭ كەلۋىمەن كوپتەگەن بيىك بەلستەردى باعىندىردى. ارگەنتينالىقتىڭ مىقتىلىعى سونشالىق, حح عاسىردىڭ ەڭ ۇزدىك فۋتبولشىلارى تىزىمىندە ول اتى اڭىزعا اينالعان پەلەمەن قاتار تۇر.
تاريحتاعى تەحنيكاسى ەڭ كەرەمەت فۋتبولشىلاردىڭ تىزىمىندە ديەگو مارادونانادان كەيىن ساتىلارعا مىنا ويىنشىلار جايعاستى: رونالدينيۋ, يوحان كرويفف, زينەدين زيدان, ليونەل مەسسي, دجوردج بەست, تەرري انري, اندرەس ينەستا, اندرەا پيرلو جانە حاۆي
