ءبىلىم • 21 ءساۋىر, 2020

بيىل «التىن بەلگى» قالاي بەرىلەدى؟

1510 رەت
كورسەتىلدى
1 مين
وقۋ ءۇشىن

ءبىلىم جانە عىلىم مينيسترلىگى وسى جىلى «التىن بەلگىدەن» 7 مىڭ 444 تۇلەكتىڭ ۇمىتكەر ەكەنىن جاريالادى. ال مەكتەپ بىتىرۋشىلەرى بيىل توتەنشە جاعدايعا بايلانىستى مەملەكەتتىك قورىتىندى اتتەستاتتاۋ ەمتيحاندارىن تاپسىرمايدى. سوندا «التىن بەلگى» قالاي بەرىلمەك؟

بيىل «التىن بەلگى» قالاي بەرىلەدى؟

بۇل سۇراققا جوعارىدا اتالعان جاۋاپتى ۆەدومستۆو 2017 جىلدان باستاپ ۇبت-دا «التىن بەلگىنى» راستاۋ تالاپ ەتىلمەيتىنىن ەسكە سالدى. 

وسىعان وراي ءبىلىم جانە عىلىم مينيسترلىگى:

«5-11-سىنىپتار ارالىعىندا بارلىق پاندەر بويىنشا قورىتىندى جىلدىق باعاسى «5» بولسا جانە ءبىتىرۋ اتتەستاتتاۋ ەمتيحاندارىن ۇزدىك تاپسىرسا, جەتكىلىكتى.

قازىرگى جاعدايعا بايلانىستى 9, 11-سىنىپ وقۋشىلارى ءبىتىرۋ ەمتيحاندارىن تاپسىرمايدى, سوندىقتان «التىن بەلگى» جىلدىق قورىتىندى باعالارىنىڭ نەگىزىندە بەرىلەدى», دەپ مالىمدەدى.  

سوڭعى جاڭالىقتار