REACH سەرتيفيكاتى تەك حالىقارالىق ساپا سەرتيفيكاتتارىن يەلەنگەن ونىمدەرگە عانا ەمەس, سونىمەن قاتار ەۋرووداق رەگلامەنتىنىڭ تالاپتارىنا ساي كەلەتىن ونىمدەرگە بەرىلەتىندىگىن اتاپ وتكەن ءجون.
ءونىمدى سەرتيفيكاتتاۋ تۇرعىنداردىڭ دەنساۋلىعى مەن قورشاعان ورتانى قورعاۋدىڭ جوعارى دەڭگەيىن, باسەكەلەستىك پەن يننوۆاتسيالاردى قولدانۋدى ارتتىرا وتىرىپ, حيميالىق زاتتاردىڭ ەركىن اينالىمىن قامتاماسىز ەتۋگە باعىتتالعان. ەۋرووداق اۋماعىنداعى حيميا ونەركاسىبىندەگى بارلىق كاسىپورىندار وندىرەتىن نەمەسە ەكسپورتقا شىعاراتىن حيميالىق زاتتار تۋرالى اقپاراتتى تاپسىرىپ وتىرۋعا مىندەتتى.
REACH سەرتيفيكاتىن راسىمدەۋ بىرنەشە كەزەڭمەن جۇرگىزىلدى. ونىڭ بارىسىندا تىركەۋ ءنومىرىن الۋ ءۇشىن بارلىق قاجەتتى قۇجاتتاما دايىندالدى, يمپورتتاۋشى – ۇيىمدى, ياعني ء«اموز» جشس حيميالىق زاتتار جونىندەگى ەۋروپالىق اگەنتتىگىندە (ECHA) تىركەۋ, سونداي-اق دەرەكتەردى بىرلەسىپ بەرۋ جۇيەسىنە (Joint Submission) قوسۋ جۇرگىزىلدى.
ەسكە سالا كەتەيىك, جاڭعىرتۋ كەزىندە ءاموز-دە سالىنعان اروماتيكالىق كومىرسۋتەكتەردى ءوندىرۋ كەشەنى جىلىنا جوبا بويىنشا 133 مىڭ توننا بەنزول مەن 496 مىڭ توننا پاراكسيلول وندىرە الادى.
