ەرتەگىنى بىرىككەن ۇلتتار ۇيىمىنىڭ گۋمانيتارلىق سەرىكتەسى IASC –ۆەدومستۆوارالىق تۇراقتى كوميتەتى (Inter-Agency Standing Committee) شىعاردى.
بۇۇ بالالار قورىنىڭ (UNICEF) اتقارۋشى ديرەكتورى گەنريەتتا فور:
«دۇنيەجۇزىندەگى بالالاردىڭ ءومىرى ءبىر ساتتە وزگەرىپ كەتتى, ويتكەنى ولاردىڭ كوپشىلىگى ادامداردىڭ ءجۇرىپ-تۇرۋىن شەكتەيتىن, سونداي-اق ۇيدەن شىقپاۋ رەجيمىن ەنگىزگەن ەلدەردە تۇرادى. بۇل كەرەمەت كىتاپ بالالاردىڭ جاڭا جاعدايدى تۇسىنۋىنە جانە ونى قابىلداۋىنا, جاڭا ەرەجەلەردى ساقتاپ, باتىر بولۋىنا كومەكتەسەدى», دەيدى.
ۇيىمداستىرۋشىلار كىتاپتى جازۋ ءۇشىن دۇنيەجۇزىندەگى 1700-دەن اسا بالادان, ولاردىڭ اتا-انالارىنان, تاربيەشىلەرى مەن مۇعالىمدەرىنەن COVID-19 پاندەمياسى اياسىندا قالاي ءومىر ءسۇرىپ جاتقانى تۋرالى سۇراپ بىلگەن. سول ساۋالدامانىڭ نەگىزىندە كەيىن كىتاپتى بىردەن 17 تىلدە باستى. ەرتەگىنى قازاق تىلىنە بارلىق رۇقساتىن الىپ, بۇۇ بالالار قورىنىڭ (UNICEF) قازاقستانداعى وكىلدىگى اۋداردى.
ەرتەگىنىڭ جەلىسى وقىرماندى بىردەن وزىمەن ىلەستىرىپ اكەتەدى.
– COVID-19 ءتۇرى قانداي؟, – دەپ سۇرادى سارا اناسىنان.
– COVID-19 نەمەسە كوروناۆيرۋس تىم كىشكەنتاي, ونىڭ كىشكەنتاي بولعانى سونشا, كوزگە دە كورىنبەيدى, دەپ جاۋاپ بەردى اناسى.
– سوندا ءبىز ونى كورمەسەك, ونىمەن كۇرەسە المايمىز با؟, – دەپ سۇرادى سارا.
– نەگە كۇرەسە المايمىز؟ ارينە, كۇرەسە الامىز, – دەدى اناسى.
ەرتەگىنىڭ تولىق نۇسقاسىن مىنا سىلتەمەدەن وقي الاسىز.
اريو دەگەن عاجايىپ كەيىپكەر كىتاپ وقىرماندارىنا بالا ءوزىن, وتباسىن جانە دوستارىن كوروناۆيرۋستان قالاي قورعاي الاتىنىن جانە وسى وزگەرگەن ورتادا تۋىنداعان ابىرجۋ مەن ۋايىمداردى قالاي جەڭۋگە بولاتىنىن تۇسىندىرەدى.
