«19 ساۋىردە باتىس قازاقستان وبلىسىندا «COVID-19» ينفەكتسياسىن جۇقتىرعان 16 جاعداي تىركەلدى. 16 ازاماتتىڭ 6-ى – باتىس قازاقستان وبلىسىنىڭ, 8-ءى – تۇركىستان وبلىسىنىڭ تۇرعىندارى. بارلىعى دا رەسەي فەدەراتسياسىندا ۆاحتالىق ءادىس بويىنشا جۇمىس ىستەيتىن ازاماتتار. سونداي-اق, 2 ازامات – رەسەيدىڭ ساراتوۆ قالاسىنان كەلگەن جامبىل وبلىسىنىڭ تۇرعىندارى» دەپ حابارلادى وبلىستىق جەدەل شتاب.
16 ناۋقاستىڭ 14-ءى – رەسەي فەدەراتسياسىنىڭ ساراتوۆ وبلىسىمەن شەكاراداعى «تاسقالا» بەكەتىنەن, ال 2 ادام – رەسەي فەدەراتسياسىنىڭ سامارا وبلىسىمەن شەكاراداعى «سىرىم» بەكەتى ارقىلى شەكارادان جاياۋ وتكەن. شەكاراداعى تەكسەرۋ كەزىندە ەشبىر سىرقات بەلگىسى بايقالماعانىمەن, ولار الگوريتمگە سايكەس كارانتيندىك ستاتسيونارعا جاتقىزىلعان بولاتىن. سول جەردە جاسالعان دياگنوستيكالىق زەرتتەۋ قورىتىندىسى 16 ادامنىڭ دا ناۋقاسقا شالدىققانىن كورسەتتى.
«ناۋقاستاردىڭ بارلىعى دا وبلىستىق جۇقپالى اۋرۋلار اۋرۋحاناسىنا جاتقىزىلدى. اۋرۋ وشاقتارىندا دەزينفەكتسيالىق جۇمىس جۇرگىزىلدى. ەپيدەمياعا قارسى ءىس-شارالار جالعاسۋداي دەيدى وبلىستىق جەدەل شتاب.
باتىس قازاقستان
