وڭتۇستىك كورەيا اسكەري قىزمەتىنىڭ حابارلاۋىنشا, كحدر تاراپى وتكەن سەيسەنبىدە سىناق جاساعان. بۇل جولعى بالليستيكالىق زىمىراندى ۇشىرۋ سولتۇستىك كورەيانىڭ نەگىزىن قالاعان كيم ير سەننىڭ تۋعان كۇنىمەن تۇسپا-تۇس كەلدى.
Wall Street Journal-دىڭ كەلتىرگەن مالىمەتتەرىنە سۇيەنسەك, بالليستيكالىق راكەتا تاڭعى 07:00-دە جاعالاۋعا جاقىن ورنالاسقان ميۋنچون قالاسىنىڭ ماڭىنان ۇشىرىلىپ, جاپونيامەن ەكى ورتاداعى اشىق تەڭىزگە قۇلاعان. زىمىران شامامەن 150 شاقىرىمدى 40 مينۋتتا ۇشىپ وتكەن.
ايتا كەتەرلىگى, بۇل – سولتۇستىك كورەيا تاراپى بيىلدىققا تاجىريبەدەن وتكىزگەن بەسىنشى بالليستيكالىق راكەتاسى. بۇعان دەيىن پحەنيان 29 ناۋرىزدا دا سىناق جاساعان بولاتىن.
جالپى, 2020 جىل باستالعالى كحدر اسكەري تاجىريبەنى ءجيى وتكىزە باستادى. مۇنىڭ نەگىزگى سەبەبى ەل باسشىسى كيم چەن ىن اقش-پەن اراداعى كەلىسىمدى بۇدان ءارى قاراي ساقتامايتىنىن ايتقان ەدى. تاياۋدا كحدر باسشىسى جاپپاي قىرىپ-جويۋ قارۋىنىڭ جاڭا ءتۇرىن سىناقتان وتكىزەتىنىن مالىمدەدى.
سونداي-اق سولتۇستىك كورەيا وتكەن اپتادا اۋە كۇشتەرىن دە سىناقتان وتكىزدى. وڭتۇستىك كورەيا تاراپى تاراتقان اقپاراتقا سۇيەنسەك, پحەنياننان كوككە كوتەرىلگەن بىرنەشە «سۋحوي» اسكەري ۇشاقتارى «اۋە-جەر» ساناتىنا جاتاتىن راكەتالارىن اشىق تەڭىزگە تاستاعان.
ەستەرىڭىزگە سالساق, ەكى جىل بۇرىن كحدر يادرولىق قارۋلارىن ءجيى سىناقتان وتكىزىپ, بالليستيكالىق زىمىراندارىن تاجىريبەدەن وتكىزگەن-ءدى. بۇل بۇۇ-نىڭ وسى ەلگە قاتىستى شەشىمىنە تۇبەگەيلى كەرەعار ارەكەت-تۇعىن. سوعان بايلانىستى بۇۇ قاۋىپسىزدىك كەڭەسى ءبىراۋىزدان سولتۇستىك كورەياعا سانكتسيا سالۋ جونىندە قارار قابىلداعانى بەلگىلى. سىناقتاردان كەيىن ولاردىڭ باستى ارىپتەسى قىتاي دا سانكتسيانى كۇشەيتتى. وسىنىڭ سالدارىنان كحدر تاراپى ەكونوميكالىق قيىندىققا ۇشىرادى. وعان قوسا اقش پرەزيدەنتى دونالد ترامپ پەن كيم چەن ىن بۇقارالىق اقپارات قۇرالدارىندا ءبىر-بىرىنە قاتىستى ءتۇرلى ءسوز ايتىپ, ءبىرتالاي جەرگە بارعانى دا ەسىمىزدە.
اقىرى ەكى ەلدىڭ باسشىسى تاريحتا العاش رەت كەزدەسىپ, ءوزارا كەلىسىمگە كەلدى. سوعان سايكەس سولتۇستىك كورەيا تاراپى يادرولىق ارسەنالدان باس تارتىپ, قارۋىن سىناقتان وتكىزبەۋگە ۋادە بەرگەن-ءدى.
ايتسە دە, سول كەزدە كەلىسىمگە كۇدىكپەن قاراعاندار تابىلعان. كەي ساراپشىلار كحدر-دىڭ يادرولىق قارۋدان باس تارتىپ, شەتەل باسشىلارىمەن ءجيى كەزدەسۋىنىڭ استارى مول دەپ ەسەپتەيتىنىن جەتكىزدى. بىرىنشىدەن, سولتۇستىك كورەيا الدەقاشان قۋاتتى يادرولىق قارۋ جاساپ ۇلگەرۋى مۇمكىن. سوندىقتان اتوم بومباسىن قايتا سىناقتان وتكىزۋدىڭ قاجەتتىگى جوق.
ەكىنشىدەن, ەندىگى باعىت سىناق جاساۋ ەمەس, قۇرلىقارالىق زىمىرانداردى ۇشىراتىن قوندىرعىلار ارسەنالىن كەڭەيتۋگە ارنالۋى ىقتيمال. كەيىنگى كەزدە سولتۇستىك كورەيانىڭ جاقىن قاشىقتىققا ۇشاتىن بالليستيكالىق زىمىراندارىن ءجيى ۇشىرا باستاۋى سول كەزدە ايتىلعان بولجامنىڭ راستىعىن
