جاس مامان ءبىلىم جانە عىلىم مينيسترلىگى ۇيىمداستىرعان «قاشىقتان وقىتۋ – وقۋشىلار مەن اتا-انالار ءۇشىن جاڭا تاجىريبە» تاقىرىبىندا وتكەن ونلاين كونفەرەنتسياعا قاتىسىپ, قاشىقتان ءبىلىم بەرۋ جايلى ءوز پىكىرىمەن جانە تاجىريبەسىمەن ءبولىستى.
«مەكتەپ مۇعالىمدەرىمەن بىرىگىپ مەكتەبىمىزدىڭ وقۋشىلارىنا ۆيدەوساباقتار ءتۇسىرىپ جاتىرمىز. ودان باسقا, قازىر وتە جاقسى تارالىپ جاتقان چەللەندج ارقىلى ۇيدەگى بار مۇمكىنشىلىكپەن حيميالىق زاتتاردى تەكسەرىپ كورۋدى باستادىق. مىسالى, ۇيدە سابىن, سۋسابىن, كىر جۋعىش زاتتار جاساۋعا بولادى. بۇنىڭ ءبارى – حيميا بولعانىمەن, 50%-ى -مەكتەپ باعدارلاماسى», دەيدى جىگەر تەلەۋحانوۆ.
ماڭعىستاۋلىق مۇعالىمدەر ستابيليزاتور, اروماتيزاتور, ەمۋلگاتور, بوياعىشتاردىڭ زيانىن Instagram الەۋمەتتىك جەلىسىندە حەشتەگپەن بەلگىلەپ, ءوزارا چەللەندج جاساپ, ءبىر-بىرىنە جىبەرۋدە. ونى ءار وقۋشى تۇسىنگەنى بويىنشا ورىنداپ, ءوز ويىمەن ديسكريپتەر ارقىلى جاساۋعا تىسىرادى.
«قازىرگى جاستاردىڭ كوبى الەۋمەتتىك جەلىلەردى قولدانادى. حەشتەگ ارقىلى بەلگىلى ءبىر مۇعالىمدى بەلگىلەپ, وسىنداي ادىستەمە ارقىلى وقۋشىلاردى وقىتۋ قىزىق بولىپ جاتىر. وقۋشىلار ءوز قولدارىمەن ۇستاپ كورگەن نارسەسىن جاقسىراق تۇسىنەتىن بولعاندىقتان, بۇل جەردە جاڭا مازمۇنعا كەلە جاتىرمىز. ياعني, بالا باعا ءۇشىن ەمەس, ءوزى ءۇشىن وقۋ كەرەك ەكەنىن تۇسىنەتىن ءسات تۋدى», دەيدى جاس مامان.
كونفەرەنتسيا بارىسىندا حيميا ءپانىنىڭ مۇعالىمى ارىپتەستەرىن كرەاتيۆتى بولۋعا, سونداي-اق, الەۋمەتتىك جەلىلەردىڭ كومەگىمەن بالانى قىزىقتىراتىن ادىستەردى ويلاپ تابۋعا شاقىردى.
