ونىڭ ىشىندە, 78 تۇرعىن ءۇي بيۋدجەت, 48 ءۇي «Shymkent» اكك» اق جانە 126 ءۇي جەكە سالۋشىلار ەسەبىنەن جۇرگىزىلىپ جاتىر.
جاۋاپتى مامانداردىڭ مالىمدەۋىنشە, توتەنشە جاعداي كەزىندە شىمكەنتتەگى قۇرىلىس جۇمىستارى توقتامايدى. ماسەلەن, مەملەكەتتىك ينۆەستيتسيالار ەسەبىنەن بيىل قالادا 126 كوپقاباتتى تۇرعىن ءۇيدىڭ قۇرىلىسى جوسپارلانعان. اعىمداعى جىلى 107 كوپقاباتتى تۇرعىن ءۇي نەمەسە 6 213 پاتەر پايدالانۋعا بەرىلەدى. بۇدان بولەك, نارىقتان 696 ارەندالىق پاتەر ساتىپ الىنادى.
ەسكە سالا كەتسەك, تاياۋدا قالا اكىمى م. ايتەنوۆ مەردىگەرلەرگە قيىن-قىستاۋ كەزەڭدە جۇمىسسىز جۇرگەن ازاماتتاردى قۇرىلىسقا تارتۋعا شاقىرعان بولاتىن. توتەنشە جاعدايعا بايلانىستى قالاداعى قۇرىلىس نىساندارىندا بىرقاتار ماماندارعا سۇرانىس ارتقان. اتاپ ايتقاندا, بەتونشى, قىش قالاۋشى, سىلاقشى جانە قاراپايىم دانەكەرلەۋشى. قاجەتتىلىكتى قامتاماسىز ەتۋ ماقساتىندا جۇمىسپەن قامتۋ ورتالىعىنا 443 مامانعا سۇرانىس بەرىلگەن.
شىمكەنت
