– بۇل – ءدالىز تۇركياداعى دەزينفەكتسيالاۋ ورنىنىڭ بالاماسى. دالىزدەر جەرگىلىكتى كاسىپكەرلەردىڭ جوباسىمەن جاساقتالدى. ونىڭ جانىندا دەزينفەكتسيالىق ەرىتىندى ساقتالاتىن ىدىس بار. ەرىتىندى اتىراۋ قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ سانيتارلىق ماماندارىنىڭ ۇسىنىمى نەگىزىندە ازىرلەندى. ادامدار ءۇشىن ەش قاۋپى جوق. سۇيىقتىقتىڭ قۇرامىندا 30 پايىزدىق سپيرت ەرىتىندىسى بار. بۇل تۋرالى ءماتىن وسى ورىنداردىڭ بارلىعىندا ءىلۋلى تۇر, - دەدى اتىراۋ قالالىق اكىمدىگىنىڭ رەسمي وكىلى الىبەك ناۋاروۆ.
مامانداردىڭ پىكىرىنشە, دەزينفەكتسيالىق ءدالىز ادامداردىڭ كيىمىنىڭ قىرتىسىنداعى قاۋىپتى پاتوگەندەردى جويۋعا مۇمكىندىك بەرەدى.
جولداسبەك كوشەرباي ۇلى
