«اتىراۋ وبلىسىنىڭ باس سانيتارلىق دارىگەرىنىڭ قاۋلىسىنا سايكەس, كارانتين كەزىندە جۇمىس جاساۋعا رۇقسات ەتىلگەن كاسىپورىندار پەرسونالدى الىپ ءجۇرۋدى تەك قىزمەتتىك كولىكپەن قامتاماسىز ەتۋى ءتيىس. جەكە اۆتوكولىكتى پايدالانۋعا قاتاڭ تىيىم سالىندى. مۇداي شەكتەۋ ازىق-ت ۇلىك دۇكەندەرىنە تاۋار تاسىمالداۋمەن, ءدارىحانالار جەلىسىنە ءدارى مەن مەديتسينالىق ونىمدەر, قوعامدىق تاماقتانۋ ورىندارىنان ونلاين جەتكىزۋگە پايدالانىلاتىن كولىكتەرگە قولدانىلمايدى», -دەدى وبلىس اكىمىنىڭ ءبىرىنشى ورىنباسارى سەرىك شاپكەنوۆ.
ونىڭ ايتۋىنشا, اۆتوكولىكتىڭ جۇرگىزۋشىسى وزىمەن بىرگە ۇيىممەن اراداعى كەلىسىم-شارت پەن انىقتاما, جەتكىزۋ مەكەن-جايى, جەكە كۋالىگى, تاۋار تاسۋعا رۇقساتىن راستايتىن باسقا دا قۇجاتتاردى الىپ ءجۇرۋى ءتيىس.
«ەگەر ءبارى ءوزىنىڭ كولىگىمەن جۇرەتىن بولسا, كارانتين ەنگىزۋدىڭ ءمانى بولمايدى. ەرتەڭ, 17 ساۋىردەن باستاپ كارانتيندىك رەجيم كۇشەيەدى. اتىراۋ قالاسىنىڭ تىنىس-تىرشىلىگىن قامتاماسىز ەتەتىن مەكەمەلەردەن باسقا كاسىپورىندار تولىق وقشاۋلانادى», - دەدى سەرىك شاپكەنوۆ.
جولداسبەك كوشەرباي ۇلى
