ازاماتتارعا ارنالعان ۇكىمەت 1414 بىرىڭعاي بايلانىس ورتالىعىنىڭ جۇمىسىن كۇشەيتۋ ۇشىن حقو قىزمەتكەرلەرىن تارتقان بولاتىن. شىمكەنت قالاسىنىڭ 144 تاجىريبەلى جانە دايىندىقتان وتكەن مامانى تۇرعىندارعا كەڭەس بەرىپ وتىر. مەملەكەتتىك قىزمەتتەر بويىنشا بىرىڭعاي بايلانىس ورتالىعىنىڭ وپەراتورلارىنان اپتاسىنا جەتى كۇن بويى كەڭەس الۋعا بولادى.
بۇدان بولەك, 49 قىزمەتكەر قىزمەتالۋشىلاردى «موبيلدىك ازاماتتار بازاسىندا» تىركەپ, بەينەقوڭىراۋلاردى قابىلداۋعا جۇمىلدىرىلعان. ءبىر اپتا ىشىندە ولار 20 مىڭنان استام بەينەقوڭىراۋ قابىلداپ ۇلگەردى.
قازاقستانداعى بىرىڭعاي بايلانىس ورتالىعى جۇمىس كۇندەرى ساعات 9.00-دەن 20.00-گە دەيىن جۇمىس ىستەيدى, ال دەمالىس كۇندەرى ولارمەن ساعات 9.00-دەن 14.00-گە دەيىن ال بايلانىسۋعا بولادى. قوڭىراۋ شالۋ تەگىن.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت بويىنشا فيليالىنىڭ وكىلى التىناي تاتاەۆانىڭ ايتۋىنشا, مەملەكەتتىك قىزمەت ماسەلەلەرى جونىندەگى بىرىڭعاي بايلانىس ورتالىعىنا شىمكەنت قالاسى بويىنشا ورتا ەسەپپەن كۇنىنە 18 000-عا جۋىق ادام حابارلاسادى. «جەتى كۇن ىشىندە ءبىزدىڭ بايلانىس ورتالىعىنا 90 مىڭنان استام قوڭىراۋ كەلىپ ءتۇستى. نەگىزىنەن ازاماتتاردى توتەنشە جاعداي كەزىندە تابىسىنان ايىرىلۋىنا بايلانىستى تاعايىندالاتىن 42 500 تەڭگە جاردەماقىسىن الۋ, egov.kz ارقىلى انىقتاماعا قول جەتكىزۋ, سونداي-اق, ااك تولەمدەرىن تاعايىنداۋ بويىنشا سۇراقتار مازالايدى», - دەيدى التىناي تاتاەۆا. ول سونداي-اق, بىرىڭعاي بايلانىس ورتالىعىنا حابارلاسۋشىلاردىڭ كوپتىگىن ەسكەرىپ, شىمكەنتتىكتەردى شىدامدىلىق تانىتىپ, سابىرلى بولۋدى سۇرادى.
ەسكە سالا كەتەيىك, قازاقستاندىقتار مەملەكەتتىك قىزمەتتى ەلەكتروندىق فورماتتا الا الادى. قازىرگى ۋاقىتتا مەملەكەتتىك قىزمەتتىڭ 87% ەلەكتروندى ۇكىمەت پورتالى ارقىلى قولجەتىمدى, سونداي-اق, كەيبىر قىزمەتتەر مەن سەرۆيستەردى ەgovموbile موبيلدىك قوسىمشاسى, eGovKzBot2.0 تەلەگرامم-بوتىنان جانە Facebook, Vk الەۋمەتتىك جەلىلەرىندەگى egov چات-بوتتارىنان الۋعا بولادى.
شىمكەنت
