قازاقستان • 16 ءساۋىر, 2020

بيىل «ءۇشارال-دوستىق» تاسجولىنىڭ 60 شاقىرىمى اشىلادى

737 رەت

كورسەتىلدى

1 مين

وقۋ ءۇشىن

ۇزىندىعى 184 شاقىرىمدى قۇرايتىن ء«ۇشارال-دوستىق» اۆتوموبيل جولى الماتى وبلىسىنا قاراستى ىنتالى, كوكتۋما, جالاڭاشكول جانە دوستىق ەلدى مەكەندەرى ارقىلى وتەتىن بولادى, دەپ حابارلايدى يدم ءباسپاسو قىزمەتى.

سۇڭعات ءالىپباي

بيىل «ءۇشارال-دوستىق» تاسجولىنىڭ 60 شاقىرىمى اشىلادى

بۇگىنگى تاڭدا باس مەردىگەر «قىران» جشس مەن «ابك اۆتودور نس» جشس نەگىزگى جۇمىستارعا كىرىسىپ كەتتى. جۇمىستىڭ ساپاسىن «ايمەركە» جشس, «اليانس» ءيوو» جشس مەن «ساپاينجينيرينگ» جشس بىرلەسىپ باقىلايدى.

قايتا جاڭارتۋ جۇمىستارىنان وتكەن سوڭ ۇشارالدان دوستىق ەلدى مەكەنىنە دەيىنگى 184 شاقىرىمدىق كۇرە جول ىى-تەحنيكالىق ساناتقا سايكەستەندىرىلىپ, ەكى جولاقتى اۆتوجول بولادى. جوبا اياسىندا 12 كوپىر, 278 قۇبىر, دەمالىس الاڭدارى سالىنىپ, ەلدى مەكەندەردىڭ ماڭىندا اۆتوپاۆيلنودار ورناتىلادى دەپ كۇتىلۋدە.

تاسجولدى قايتا جاڭارتۋ جۇمىستارىنا جول-قۇرىلىس تەحنيكاسىنىڭ 363 بىرلىگى مەن 571 مامان جۇمىلدىرىلماق. اعىمداعى جىلدىڭ سوڭىنا دەيىن اتالعان جولدىڭ 60 شاقىرىمىندا قوزعالىس اشىلادى دەپ جوسپارلانعان. جوبا اياسىنداعى جۇمىستار 2022 جىلى تولىقتاي اياقتالۋى ءتيىس.