مىسالى, ونلاين ارقىلى كورسەتىلە باستاعان گيزاداعى ساككار پيراميداسىندا ەگيپەتتىڭ باس ءدىني قىزمەتكەرىنىڭ «ەرەكشە ساقتالعان» قابىرى جاقىندا عانا ارشىلىپ الىنعان. «قابىردەن ولار قابىرعاعا باي سۋرەتتەر مەن ەلۋدەن استام مۇسىندەردى تاپتى. 4,5 مىڭ جىل دەپ ەسەپتەلگەن قابىر شامامەن 30 شارشى مەتردى قۇرايتىن تىكبۇرىشتى زالدان جانە سوڭىندا جەرتولەدەن تۇرادى» دەگەن مالىمەتتەر قوسا ۇسىنىلعان. «ەگيپەتتىڭ ەلدىڭ تاريحي جانە مادەني مۇراسىن قورعاۋمەن جانە ساقتاۋمەن اينالىساتىن مينيسترلىگى ەجەلگى پەرعاۋىنداردىڭ قابىرلەرى مەن باسقا دا كورنەكتى ورىندارعا اقىسىز ونلاين-ساپارلار ۇيىمداستىردى» دەپ حابارلايدى Knife پورتالى.
بۇل تۋرالى سول ەلدىڭ ەڭ باستى تۋريزم اگەنتتىكتەرى Twitter-دە حابارلادى. مينيسترلىك الەۋمەتتىك جەلىلەردە ەكسكۋرسيالارعا سىلتەمەلەر جاريالايدى, ولاردى #StayHome حەشتەگتەرىمەن تولىقتىرادى. ۆيرتۋالدى تۋرلار كوپتەگەن سۋرەتتەردەن تۇراتىن بولمەلەردىڭ 3D-مودەلدەرى رەتىندە ۇسىنىلعان. قۇرىلىمنىڭ ۆيرتۋالدى كوشىرمەسىندە ەركىن قوزعالۋعا, كامەرانى ۇلكەيتۋگە مۇمكىندىك بار. ءتىپتى ەرەكشە جەتىلدىرىلگەن قۇرىلعىلاردىڭ كومەگىمەن قابىرلەردىڭ ءىشىن ارالاپ جۇرگەندەي اسەر الۋعا دا مۇمكىندىك بار.
سونىمەن, مينيسترلىك ازىرگە بولاتىن سەگىز ورىننىڭ ءتىزىمى تومەندە:
باعدارلانعان تۋرلار اراب جانە اعىلشىن تىلدەرىندەگى تۇسىنىكتەمەلەرمەن بىرگە جۇرەدى.
مەننانىڭ قابىرى;
مەرەسانح پاتشايىمىنىڭ III قابىرى;
قىزىل موناستىر;
سۇلتان باركۋك مەشىت مەدرەسەسى;
بەن ەزرا سيناگوگاسى;
بەني حاسان نەكروپولياسى.
كوم-ەل-شۋكاف كاتاكومبالارى.
پەرعاۋىن رامسەس VI قابىرى.
گيزاداعى ساككار پيراميداسى
ەجەلگى ەسىك قالاسىنىڭ ساقتار وركەنيەتىنىڭ ورتالىعى بولعاندىعى تۋرالى پىكىردى ارحەولوگ-تاريحشى بايپاقوۆ تالاي رەت ايتقان. حIح عاسىردىڭ اياعى مەن حح عاسىردىڭ باسىندا الماتىدا 50 ساق قورعانى بولعانىن دالەلدەيتىن دەرەكتەر ارحەولوگ بوريس دۋبليتسكيدىڭ ەڭبەكتەرىندە كەزدەسەدى. 1940 جىلى ونىڭ «1939 جىل الماتى اۋماعىندا جۇرگىزىلگەن ارحەولوگيالىق زەرتتەۋلەردىڭ ناتيجەسى تۋرالى قىسقاشا ەسەپ» دەگەن مونوگرافيالىق ەڭبەگى جەكە جيناق بولىپ جاريالاندى. بىراق ءبىز ولاردى ساقتاي المادىق; 1940 جىلدارى كسرو-دا يندۋستريالاندىرۋ باعدارلاماسى جۇرگەن كەزدە ەجەلگى قابىرلەر قۇرىلىس استىندا قالدى.
قالاۋىن تاپسا, قارا تاس تا سويلەيتىنىن الەمدىك تۋريزم تاجىريبەسى كۇن سايىن دالەلدەپ جاتىر. تۇرىكتەردىڭ سۇلەيمەن سۇلتان سەريالىنان سوڭ شابادانى جينالمايتىن الەم تۋريستەرىنىڭ اڭسارى تۇركياعا اۋدى. قازىر تۇركيا سول زاماندا سۇلەيمەن پاتشانىڭ, حيۋرەم سۇلتانعا قاتىسى بار ادامعا قاتىستى ادامداردىڭ قابىرلەرىن ونلاين تۋريزم ارقىلى جارنامالاۋ ارقىلى عانا تابىس كوزىن تولىقتىرىپ وتىر.
وركەنيەتتەن شارشاعان ادامزات تاريحىن تاس پەن مولادان ىزدەپ ەل اسىپ, جەر اسىپ كەتۋگە دايىن وتىر. قازاقستان تاريحي جەردەن دە كەندە ەمەس, تۇركىستاننىڭ تۇبىندە توپىراعى ءۇيىلىپ جاتقان وتىرار توبەنى «شىڭعىس حاننىڭ قالىڭ قولىنىڭ بەتى قايتقان جەر وسى» دەپ جارنالاماساڭ, كەز-كەلگەن ءتۋريستىڭ نازارى اۋادى.
الماتى جەرى قورعانداردان دا كەندە ەمەس. ساقتار قورعانىن ارشىپ قالساڭ تاريحى كۇمبىرلەپ سويلەپ كەتۋگە دايىن وتىر.
قازاقستاندا تاريحي جەر دەپ مەملەكەت قاراۋىنا العان ءاربىر نىساننىڭ ونلاين ء تۇسىرىلىمىن دايىنداپ, الەمدىك قاۋىمداستىققا تانىستىراتىن كەز كەلدى. قازىرگىدەي تسيفراليزاتسيا ءداۋىرى ءۇشىن بۇل تىرلىكتى قولعا الۋدىڭ تۇك تە قيىندىعى جوق.
