قازاقستاندا مۇناي وڭدەۋدى ءتورت كاسىپورىن جۇزەگە اسىرادى: «اتىراۋ مۇناي وڭدەۋ زاۋىتى» جشس, «پاۆلودار مۇناي-حيميا زاۋىتى» جشس, «پەتروقازاقستان ويل پروداكتس» جشس (شىمكەنت ءموز-ءى), سونداي-اق «CASPI BITUM» بك» جشس بيتۋم زاۋىتى.
2020 جىلعى ءساۋىر ايىندا مۇناي ونىمدەرىنىڭ نەگىزگى تۇرلەرىنە سۇرانىس ايتارلىقتاي تومەندەدى: اۆتوبەنزين مەن ديزەل وتىنىنا – 40%-عا, ال اۆياتسيالىق وتىنعا – 70%-عا. بۇل مۇناي وڭدەۋ زاۋىتتارىنا مۇناي جەتكىزۋشىلەرىنەن كەلىپ تۇسەتىن وتىنىمدەر ديناميكاسىنا جاسالعان تالداۋدىڭ ناتيجەسىمەن راستالىپ وتىر.
قويمالاردا مۇناي ونىمدەرىنىڭ شامادان تىس جينالىپ قالۋىن بولدىرماۋ ءۇشىن اتىراۋ, پاۆلودار جانە شىمكەنت ءموز-دەرىندە مۇناي وڭدەۋ مەن مۇناي ونىمدەرىن شىعارۋ كولەمدەرى ەڭ تومەن دەڭگەيگە دەيىن ازايتىلدى. زاۋىتتار ءوز قىزمەتىن جالعاستىرۋدا. ساقتىق شارالارى كۇشەيتىلدى. كوروناۆيرۋستىق ينفەكتسيانىڭ (COVID-19) پاندەمياسىنا بايلانىستى ناۋرىزدىڭ 15-نەن باستاپ زاۋىتتاردا بارلىق جاعدايدى باسقاراتىن شتابتار جۇمىس ىستەۋدە. ولار ءوز قىزمەتىن ۇلتتىق كومپانيانىڭ ورتالىق شتابىمەن كۇن سايىن ۇيلەستىرىپ وتىرادى.
ىندەتتىڭ الدىن الۋ بويىنشا ارنايى شارالار قابىلداندى: اكىمشىلىك جانە وندىرىستىك نىسانداردا سانيتارلىق-دەزينفەكتسيالىق جانە باقىلاۋ-وتكىزۋ تارتىپتەرى كۇشەيتىلدى; كاسىپورىنداردا اكىمشىلىك قىزمەتكەرلەردىڭ 70%-ى قاشىقتىقتان جۇمىس جاساۋ تاسىلىنە كوشىرىلدى; زاۋىت قىزمەتكەرلەرىنە قۇرىلىمدىق بولىمشەلەر اراسىندا ءجۇرىپ-تۇرۋعا شەكتەۋ قويىلدى; قىزمەتكەرلەردىڭ دەنساۋلىعىن قاداعالاۋ بويىنشا كۇندەلىكتى مونيتورينگ جۇرگىزىلەدى; ءۇي-جايلار مەن عيماراتتاردا, كولىك قۇرالدارىنا جانە زاۋىتتارعا تيەسىلى ايماقتاردا تازالىق جۇمىستارى ۇنەمى جۇرگىزىلىپ تۇرادى.
«قازمۇنايگاز» زاۋىتتاردى كەمىندە 2 ايعا جەتەتىندەي مولشەردە سۋمەن, ازىق- ت ۇلىكپەن, ءبىرىنشى كەزەكتەگى اسا قاجەت تاۋارلارمەن, جەكە قورعانىس قۇرالدارىمەن قامتاماسىز ەتۋدە. بارلىق جۇمىسشىلارعا جەكە قورعانىس قۇرالدارى – مەديتسينالىق ماسكا, نيتريل قولعاپتارى, باكتەرياعا قارسى قۇرالدار تاراتىلدى.
