بايقاۋعا ءبىلىم بەرۋ ۇيىمدارىنىڭ 16 مەن 29 جاس ارالىعىنداعى وقۋشىلارى, كوللەدج ستۋدەنتتەرى قاتىسقان. شىعارما ارقاۋى ەل گازەتىنىڭ عاسىرلىق تويىنا جانە اباي قۇنانباي ۇلىنىڭ 175 جىلدىعىنا ارنالعان ەركىن تاقىرىپتاعى ماقالالار سايىسى 15 ساۋىردە قورىتىندىلاندى.
- بايقاۋعا بارلىعى 30-عا جۋىق شىعارما كەلىپ ءتۇستى. بۇل جۇمىستاردى تاجىريبەلى تىلشىلەردەن قۇرالعان قازىلار القاسى تالقىلادى, - دەيدى باسقارمانىڭ ءبولىم مەڭگەرۋشىسى زامزاگۇل عابباسوۆا.
سونىمەن, بايقاۋ قورىتىندىسى بويىنشا ورال قالاسىنداعى №19 ورتا مەكتەپتىڭ 11 سىنىپ وقۋشىسى بەكسۇلتان سەرىكوۆ ءى ورىنعا يە بولدى. جۇلدەلى ەكىنشى ورىندى قازتالوۆ اۋدانىنداعى بىرىك ورتا مەكتەبىنىڭ 11 سىنىپ وقۋشىسى اياجان عاپپار مەن سىرىم اۋدانىنداعى قادىر مىرزا ءالي اتىنداعى ورتا مەكتەبىنىڭ 11 سىنىپ وقۋشىسى ءدىلناز سۇلەيمەنوۆا ءوزارا ءبولىستى. ءۇش ءۇشىنشى ورىن ورال قالاسىنداعى №38 مەكتەپ-ليتسەيىنىڭ 11 سىنىپ وقۋشىسى ايناز ەسەكەشكە, قاراتوبە اۋدانى باقىتجان قاراتاەۆ اتىنداعى سارالجىن ورتا مەكتەبىنىڭ 9 سىنىپ وقۋشىسى گۇلمايرا ەرعوجيناعا, جاڭاقالا اۋدانى مەكتەپ-گيمنازياسىنىڭ 10 سىنىپ وقۋشىسى نۇردانا جاقسىباەۆاعا بۇيىردى.
بايقاۋ جەڭىمپازدارى ديپلومدارمەن, وزگە قاتىسۋشىلار سەرتيفيكاتپەن ماراپاتتالدى. ونلاين وتكەن بايقاۋدىڭ جۇلدەلەرى ءوز يەلەرىنە پوشتا ارقىلى جەتكىزىلەدى.
- كارانتين ۋاقىتىنا قاراماستان وقۋشىلارىن باپتاپ, دايىنداپ, جاۋاپتى بايقاۋعا قاتىستىرعان ۇستازدارىنىڭ, جەتەكشىلەرىنىڭ ەڭبەگى زور عوي. بايقاۋ جۇلدەگەرلەرىنىڭ جەتەكشىلەرى گ.نۇرعالي, ن.ماجەكەروۆا, ا.سارسەنعاليەۆا, ل.قۇسايىنوۆا, ت.اشىقوۆا, ا.ەسقارينا سىندى مۇعالىمدەرگە دە العىس ايتامىز, - دەيدى زامزاگۇل عابباسوۆا.
باتىس قازاقستان
