ماڭعىستاۋ وبلىسىنىڭ ۆولونتەرلار كورپۋسى وڭىردەگى توتەنشە جاعداي كەزىندە وپەراتيۆتى قىزمەت كورسەتەتىن ۆولونتەرلىك شتاب قۇردى, قۇرامىندا 15 ۆولونتەر بار. ۆولونتەرلىك شتاب نەگىزگى اقپاراتتىق جۇمىس, ادرەستىك كومەك جانە ماڭعىستاۋ وبلىسىندا جۇزەگە اسىرىلاتىن «بىرگەمىز: ءبىلىم» جوباسىنا ۆولونتەرلىك قولداۋ كورسەتۋ سىندى ءۇش باعىت بويىنشا جۇمىس جۇرگىزۋدە.
اقپاراتتىق جۇمىس باعىتىندا ازاماتتارعا توتەنشە جاعداي كەزىندەگى قاۋىپسىزدىك ەرەجەلەرى مەن ءىس-قيمىلدارى, كوروناۆيرۋستان قورعانۋ تۋرالى اقپاراتتاندىرۋ, قالا تۇرعىندارىنا ارنالعان اقپاراتتىق ينفوگرافيكا ازىرلەۋ جانە ونى تاراتۋ(ماسكا تىگۋشىلەر تۋرالى, جەتكىزۋ قىزمەتى بار مەيرامحانالار مەن ءدارىحانالار تۋرالى اقپارات) جۇمىستارى جۇرگىزىلەدى. قالا تۇرعىندارىنا 1000-نان اسا جادىناما تاراتىلىپ, ايالدامالار مەن اقپاراتتىق تۋمبالارعا, تۇرعىندار كوپ شوعىرلانعان ورىنداردا 300-گە جۋىق اقپاراتتىق بەتشەلەر جاپسىرىلدى. ال ەكىنشى باعىت بويىنشا ەلىمىزدە توتەنشە جاعداي رەجيمى ەنگىزىلگەننەن باستاپ, 3 ساۋىرگە دەيىن ۆولونتەرلار كورپۋسى 17 ازاماتقا ادرەستىك كومەك كورسەتت. ۆولونتەرلار «Nur Otan» پارتياسىنىڭ «Birgemiz» اكتسياسىندا كورسەتىلىپ جاتىرعان الەۋمەتتىك كومەكتى ازاماتتارعا جەتكىزۋ جۇمىستارىنا جۇمىلدىرىلعان. بۇگىندە ءبىزدىڭ ۆولونتەرلاردىڭ كومەگىمەن 104 ازاماتقا الەۋمەتتىك كومەك كورسەتىلدى. سونداي-اق ءوڭىردە ءساۋىر ايىنان باستاپ احمەت بايتۇرسىن ۇلى ءبىلىم اكادەمياسىنىڭ ۇيىمداستىرۋىمەن «بىرگەمىز: ءبىلىم» جوباسى باعىتتارىنىڭ ءبىرى – اۋىلدىق جەردەگى الەۋمەتتىك جاعىنان وسال توپقا جاتاتىن ءبىتىرۋشى تۇلەكتەرگە ارنالعان ۇبت-عا دايىندىق كۋرسى باستاۋ الدى. اتالعان كۋرسقا وبلىس كولەمىندە 200 وقۋشى ىرىكتەلىپ الىندى. الداعى ۋاقىتتا وقۋشىلار كاسىبي مامانداردىڭ كومەگىمەن مىندەتتى جانە بەيىندىك (وقۋشى تاڭداعان) پاندەردى ۆيدەوساباق الاتىن بولادى.
-سونداي-اق, جاستار رەسۋرستىق ورتالىعىنىڭ بارلىق جوبالارى مەن ءىس – شارالارى ونلاين رەجيمىنە كوشتى. بۇل جوبالار مەن ءتۇرلى سايىستار ماڭعىستاۋ وبلىسىنىڭ جاستار رەسۋرستىق ورتالىعىنىڭ Instagramm, Facebook, YouTube ينتەرنەت جەلىلەرىندەگى «ماڭعىستاۋ جاستارى» اتتى پاراقشاسىندا وتەدى, دەيدى مو جاستار رەسۋرستىق ورتالىعىنىڭ باسشىسى ابىلاي فازىلبەك.
قالاداعى نەگىزگى قايىرىمدىلىق ءىس-شارالاردى ۇيىمداستىرۋشى – ء«بىز ادامبىز – ءبىز بىرگەمىز» قورى «التىن Food» سۋپەرماركەتتەر جەلىسى جانە ت.ب. ءوندىرىس جانە بيزنەس سۋبەكتىلەرىنىڭ قولداۋىمەن كۇندەلىكتى 35 دارىگەردى تۇسكى اسپەن, ءار سەنبى سايىن مەكەن-جايى انىقتالماعان 70 ازاماتتى ىستىق تاعاممەن قامتاماسىز ەتىپ, اقتاۋ قالاسى مەن سايىن اۋىلىنىڭ 225 وتباسىنا الەۋمەتتىك كومەك كورسەتۋدە.
«اتادان ميراس» قق مەن قالا ۆولونتەرلارى 320 مۇقتاج وتباسىنى ءبىر ايلىق ازىق-ت ۇلىكپەن قامتاماسىز ەتۋدە.
«كلۋب دوبرياكوۆ» توبى جالعىزباستى, مۇمكىندىگى شەكتەۋلى جانە كوپبالالى وتباسى ساناتىنا جاتاتىن 230 ازاماتقا الەۋمەتتىك كومەك كورسەتىپ, كارانتيندىك زونادا قىزمەت ەتىپ جۇرگەن پوليتسيا قىزمەتكەرلەرىن ىستىق تاعاممەن قامتاماسىز ەتىپ وتىر.
«اقتاۋ قايىرىمدى جاندارى» توبى 30 وتباسىعا الەۋمەتتىك كومەك, 6 وتباسىعا قارجىلاي كورسەتتى.
«قوعامدىق كەلىسىم» مەكەمەسىنىڭ ۆولونتەرلارى,كاسىپكەرلەر مەن ەتنومادەني بىرلەستىكتەر 40 وتباسىنا ازىق-ت ۇلىكتەر, گيگيەنالىق قۇرالدارمەن قامتاماسىز ەتتى. مو قحا جانىنداعى انالار كەڭەسى اسكەري قىزمەتكەرلەرگە 300 ماسكا, «چوسون» ەتنومادەني بىرلەستءىگى 100 ماسكا ۇلەستىردى.
