بۇل جايىندا قازاقستاندىق تانىمال پروموۋتەر ءاليحان جارىلعاپوۆ Vesti.kz سايتىنىڭ تىلشىسىنە بەرگەن سۇحباتىندا مالىمدەدى. ء«امىر حان – مەنىڭ دوسىم. ايتۋلى بوكسشىنىڭ باستاماسىمەن قۇرىلعان قورى وسىنداي قيىن-قىستاۋ كەزەڭدە پاكستان مەن انگليانىڭ مىڭداعان ادامدارىنا كومەكتەسىپ جاتىر. كارانتين اياقتالىپ, ىندەت سەيالگەننەن كەيىن مەن ونى «قازاقستانعا كەل» دەپ قوناققا شاقىردىم. ول ۇسىنىسىمدى قابىل الدى», - دەيدى ءاليحان.
تەگى پاكستاندىق بولعانىمەن, انگليانىڭ بولتون قالاسىندا تۋىپ-وسكەن 33 جاستاعى جىگىت قازاقستاندىق جانكۇيەرلەرگە دە جاقسى تانىس. 2004 جىلى افينى وليمپياداسىنىڭ جارتىلاي فينالىندا ءامىر حان ءبىزدىڭ سەرىك ەلەۋوۆتەن باسىم ءتۇستى. فينالدا داڭقتى كۋبالىق بوكسشى ماريو كيندەلانعا ەسە جىبەرگەن ۇلىبريتانيا وكىلى سول جارىستى كۇمىس مەدالمەن قورىتىندىلادى.
2005 جىلدان بەرى ءامىر حان كاسىپقوي رينگتە كۇش سىناسىپ ءجۇر. سول ارالىقتا
39 كەزدەسۋ وتكىزىپ, 34 رەت جەڭىسكە جەتتى. 21 قارسىلاسىن نوكاۋتقا جىبەردى.
