اۋدان ورتالىعىنا جەتكىزەتىن اسپالى كوپىر, قازالى قالاسىنان كەلەتىن جولدار, كەنتتىڭ شىعىس بەتىندەگى تەمىرجول وتكەلى تولىعىمەن جابىلادى.
تۇرعىنداردىڭ قاۋىپسىزدىگىن ساقتاۋ ماقساتىندا اۋدان ورتالىعىنداعى ايتەكە بي كوشەسىنىڭ م.شوقاي مەن تولە بي كوشەلەرىنىڭ ارالىعىنا دا توسقاۋىل قويىلادى. اۋداندىق پوليتسيا بولىمشەسى قىزمەتكەرلەرى كوشەدە ەشقانداي سەبەپسىز جۇرگەن جاياۋ جۇرگىنشىلەر مەن اۆتوكولىك يەلەرىنە اكىمشىلىك حاتتامالار تولتىرىپ, اۋداندىق سوتقا جولدايدى.
ايتا كەتەيىك, 14 ءساۋىر كۇنى وبلىستىق باس مەملەكەتتىك سانيتارلىق دارىگەرىنىڭ №9 قاۋلىسى شىققان بولاتىن. قاۋلىعا سايكەس قىزىلوردا قالاسى مەن اۋدانداردا ازاماتتاردىڭ جانە كولىكتەردىڭ بارلىق تۇرلەرىنىڭ (ازىق-ت ۇلىك تاۋارلارىن, دارىلىك زاتتاردى, مەديتسينالىق تاۋارلاردى تاسىمالدايتىن كولىكتەردى, وندىرىستىك جانە اۋىل شارۋاشىلىعى سالالارىندا حالىقتىڭ تۇرمىس تىرشىلىگىن قامتاماسىز ەتەتىن قىزمەت كورسەتۋلەردى, سونىمەن قاتار جەرگىلىكتى اتقارۋشى ورگاندارمەن بەكىتىلگەن تىزبەنى قوسپاعاندا) كىرۋىنە جانە شىعۋىنا تىيىم سالىندى.
