«بارلىق كۇش كوروناۆيرۋستىق ينفەكتسيامەن كۇرەسۋگە جۇمىلدىرىلعان. ءبىرىنشى باسىمدىق – حالىقتى قورعاۋ. ول ءۇشىن قالاداعى بارلىق سالا جۇمىلدىرىلعان. ەڭ الدىمەن ءبىزدىڭ دارىگەرلەر, ەمحانالار مەن ۇيىمدار تاراپىنان قاجەتتى تالاپتار ورىندالۋدا. باستى ماسەلە – بۇكىل قالا بويىنشا كوروناۆيرۋستىق ينفەكتسيانىڭ تارالۋىنا جول بەرمەۋ», – دەگەن باقىتجان ساعىنتاەۆ باس دارىگەرلەردى اشىق ديالوگقا شاقىرىپ, وزەكتى ماسەلەلەردى تالقىلاۋدى جانە ولاردى جەدەل شەشۋ ءۇشىن قاجەتتى شارالاردى بىرلەسىپ اتقارۋ قاجەتتىگىن ايتتى.
وتىرىس بارىسىندا جەكە قورعانىس قۇرالدارىمەن قامتاماسىز ەتۋ, ينفەكتسيالىق ستاتسيونارلاردا دارىگەرلەردىڭ جانە بارلىق ساناتتاعى مەديتسينالىق قىزمەتكەرلەردىڭ قاۋىپسىزدىگى ءۇشىن قاجەتتى سانيتارلىق-ەپيدەميولوگيالىق نورمالاردى ساقتاۋ, مەديتسينالىق قىزمەتكەرلەرگە ۇستەمە اقى تولەۋ, تۇرعىن ءۇي جاعدايلارى جانە ناۋقاستارمەن جۇمىس ىستەيتىن بارلىق مەديتسينالىق قىزمەتكەرلەردى تاماقتاندىرۋ, سونىمەن قاتار تۇرعىنداردىڭ كەڭ كونتينگەنتىنىڭ COVID-19 تەستىنە تاپسىرۋ ماسەلەلەرى قاراستىرىلدى.
اتقارىلعان جۇمىستار جايلى قالالىق قوعامدىق دەنساۋلىق باسقارماسىنىڭ باسشىسى ت.ابىلداەۆ جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ا.مولداعاسىموۆا باياندادى. ءوز كەزەگىندە مەديتسينالىق قوعامداستىق وكىلدەرىنىڭ اتىنان №1 قالالىق كلينيكالىق اۋرۋحانانىڭ باس دارىگەرى ە.قاليەۆ سويلەدى.
بۇگىنگى تاڭدا الماتى قالاسىندا 21 370 ادام COVID-19-عا تەكسەرۋدەن ءوتتى. زەرتحانالىق تۇردە راستالعان كوروناۆيرۋستىق ينفەكتسيا جۇقتىرعان 350 جاعداي تىركەلدى. ينفەكتسيالىق اۋرۋحانالاردا – 299 ناۋقاس ەم الىپ جاتسا, پروۆيزورلىق ورتالىقتاردا – 256 ادام, كارانتيندىك وقشاۋلاۋدا – 366, ءۇي كارانتينىندە – 7097 ادام وتىر. مەديتسينالىق ۇيىمدار بارلىق جەكە قورعانىس قۇرالدارىمەن, ونىڭ ىشىندە 4500-دەن استام بىرنەشە رەت پايدالانۋعا جارامدى قورعانىس مەديتسينالىق كوستيۋمدەرىمەن قامتاماسىز ەتىلگەن.
قازاقستان رەسپۋبليكاسى پرەزيدەنتىنىڭ تاپسىرماسى بويىنشا, الماتى قالاسىندا كوروناۆيرۋسپەن كۇرەسكە جۇمىلدىرىلعان دەنساۋلىق ساقتاۋ ۇيىمدارى قىزمەتكەرلەرىنىڭ ۇستەماقىسى 99% تولەندى. قالعان ەكى كارانتيندىك ۇيىم ماماندارىنىڭ ۇستەماقىسىن تولەۋ بويىنشا جۇمىستار جۇرگىزىلۋدە.
توتەنشە جاعداي كەزىندە مەديتسينا قىزمەتكەرلەرى وزدەرىنىڭ تالاپ-تىلەكتەرىنە سايكەس قوناق ۇيلەرگە, حوستەلدەر مەن جاتاقحانالارعا, سونداي-اق تۋىسقاندارىنىڭ ۇيلەرىنە ورنالاستىرىلدى.
سونىمەن قاتار قوناق ۇيلەردە تۇرۋعا نيەت بىلدىرۋشىلەر ءۇشىن دە قوسىمشا جاتىن ورىندار بار. بۇل رەتتە تۇرۋ جانە تاماقتانۋعا ارنالعان شىعىندار جەرگىلىكتى بيۋدجەت قاراجاتى ەسەبىنەن جابىلاتىن بولادى.
بۇدان وزگە جيىن بارىسىندا اعىمداعى جىلدىڭ 1 مامىرىنا دەيىن توتەنشە جاعدايدىڭ قولدانىسىن ۇزارتۋ مەن بيىلعى جىلدىڭ 20 ساۋىرىنەن باستاپ ونەركاسىپ جانە قۇرىلىس كاسىپورىندارىنىڭ, قىزمەت كورسەتۋ سالاسىنىڭ بەلگىلى ءبىر سەكتورلارىنىڭ جۇمىسىن ىسكە قوسىلاتىندىعىن ەسكەرە وتىرىپ, كوروناۆيرۋستىق ينفەكتسيانى تاراتپاۋ ءۇشىن سانيتارلىق-ەپيدەميولوگيالىق نورمالاردىڭ ودان ءارى ساقتالۋىن قامتاماسىز ەتۋ جونىندەگى شارالار قارالدى. سونداي-اق جاڭا مودۋلدىك جۇقپالى اۋرۋلار اۋرۋحاناسىنىڭ جۇمىسىن جولعا قويۋ ماسەلەسى ءسوز بولدى. ياعني, اۋرۋحاناعا مەديتسينالىق قىزمەتكەرلەردى تارتۋ جانە ونىڭ تەحنيكالىق قۇرالدارمەن جابدىقتالۋىنا ەرەكشە كوڭىل ءبولىندى.
مەگاپوليس اكىمى كەزدەسۋدى قورىتىندىلاي كەلە, COVID-19 ىندەتىمەن كۇرەس جولىندا جۇرگەن بارلىق ماماندارعا ءتارتىپ پەن سانيتارلىق-ەپيدەميولوگيالىق نورمالاردى قاتاڭ ساقتاۋ كەرەكتىگىن باسا اتاپ ءوتتى.
«باۋىرجان مومىش ۇلىنىڭ ءسوزى بار ء«تارتىپسىز ەل بولمايدى, تارتىپكە باس يگەن قۇل بولمايدى». ءبىر جاعادان باس, ءبىر جەڭنەن قول شىعارا, جۇمىلا جۇمىس ىستەۋ قاجەت. اسىرەسە, ءدال بۇگىنگىدەي سىن شاقتا ءاربىر جۇمىس ورنىندا قاتاڭ ءتارتىپ كەرەك», – دەدى باقىتجان ساعىنتاەۆ. سونداي-اق, اكىمدىك, قۇقىق قورعاۋ قىزمەتى, اسكەري قىزمەتشىلەر دە قالانىڭ ەپيدەميولوگيالىق قاۋىپسىزدىگىن قامتاماسىز ەتۋ ماقساتىندا جان-جاقتى قولداۋ كورسەتەتىنىن اتاپ ءوتتى.
الماتى
