«بارشاڭىزدى امان-ەسەن كورگەنىمە قۋانىشتىمىن. بۇگىندە الەمدە كۇردەلى جاعداي قالىپتاسىپ وتىر. پاندەميا كوپتەگەن ەلدىڭ قوعامدىق, ەكونوميكالىق ءومىرىن توقىراۋعا ۇشىراتتى.
ۇكىمەت پاندەميا كەزەڭىندە شەت ەلدەردە قالىپ قويعان قازاقستان ازاماتتارىنا قامقورلىق كورسەتتى. چارتەرلىك ۇشاقتارمەن جانە باسقا دا كولىك تۇرلەرىمەن ەلىمىزگە 7 مىڭنان اسا وتانداسىمىز ورالدى.
ەلىمىزدە كوروناۆيرۋس ىندەتىنىڭ تارالۋى شارىقتاۋ شەگىنە جەتپەگەنىن ەسكەرە وتىرىپ, توتەنشە جاعداي رەجيمىن جانە كارانتين شارالارىن ساقتاۋ ءساۋىردىڭ اياعىنا دەيىن سوزىلدى.
بۇگىن جوعارى ەۋرازيالىق ەكونوميكالىق كەڭەس بىرلەسكەن مالىمدەمە جاسايدى. اتالعان شارالار ىندەتتىڭ تارالۋىنا قارسى كۇرەستە جانە ەل ەكونوميكاسىن تۇراقتاندىرۋدا ماڭىزدى قۇرال بولماق.
جوعارى ەۋرازيالىق ەكونوميكالىق وداقتىڭ ۇزاق مەرزىمدى ورنىقتىلىعى ساۋدا پروتسەستەرىنىڭ تۇراقتىلىعىنا تىكەلەي بايلانىستى. قازىرگى ۋاقىتتا ساۋدا - ء«تورت ەركىندىكتىڭ» ەڭ باستى باعىتى.
ەۋرازيالىق دامۋ بانكى بىرلەسكەن جوبامىز بار. بۇل بانك داعدارىستان كەيىنگى كەزەڭدەگى بىرلەسكەن جوبالارىمىزدى قارجىلاندىرۋدىڭ ءتيىمدى قۇرالى بولۋعا ءتيىس.
بۇگىندە قازاقستان كوروناۆيرۋستى انىقتايتىن تەست جۇيەسىن ازىرلەپ, ۆاكتسينا دايىنداۋعا كىرىسىپ كەتتى. وسىنداي جۇمىس وداقتىڭ باسقا دا ەلدەرىندە جۇرگىزىلۋدە. بۇل سالادا رەسەيدىڭ دە جەتىستىگى مول.
ءبىز اقپارات الماسۋ, ىندەتتى انىقتاۋدىڭ يننوۆاتسيالىق تاسىلدەرىن جانە ونى ەمدەۋدىڭ جولدارىن ازىرلەۋ, ەلدەرىمىز اراسىنداعى عىلىمي ىنتىماقتاستىقتى كۇشەيتۋ ماسەلەلەرى بويىنشا ءوزارا ءىس-قيمىلداردى جانداندىرا ءتۇسۋىمىز كەرەك.
مەملەكەتتەرىمىزدە كارانتين رەجيمىنىڭ ەنگىزىلۋىنە بايلانىستى تسيفرلىق تاۋارلار مەن قىزمەتتەرگە سۇرانىس ارتقانىن كورىپ وتىرمىز. سونىمەن قاتار تسيفرلىق ينفراقۇرىلىمنىڭ ساپاسى مەن سەنىمدىلىگىنىڭ اسا ماڭىزدى ەكەنىنە كوز جەتكىزدىك.
كوميسسياعا مۇشە-مەملەكەتتەر ۇكىمەتتەرىمەن بىرلەسىپ اتالعان باعىتتا ىنتىماقتاسا جۇمىس جۇرگىزۋ ءۇشىن ناقتى ۇسىنىستار جوباسىن دايىنداۋدى ۇسىنامىن», - دەدى پرەزيدەنت.
