«باتىس قازاقستان وبلىسى جەدەل شتابىنىڭ شەشىمىمەن تۇرعىندارىمىزعا تولىق اقپارات بەرەتىن, كارانتين كەزىندە ورىندالۋى ءتيىس ءتارتىپ پەن نۇقساۋلىقتار, تۇرعىندارىمىز ەڭ قاجەتتى فۋنكتسيالاردى جۇزەگە اسىراتىن www.stopcovid.kz ۆەب-سايتى ىسكە قوسىلدى. بۇل بىرىڭعاي جۇيەلى ەلەكتروندى بازا ارقىلى قىزمەت اياسى شەكتەلگەن كاسىپورىنداردىڭ وتىنىشتەرى تىركەلىپ, جۇمىس ىستەۋگە رۇقسات الا الادى جانە قاجەتتى مالىمەتتەر بازاسى بلوك-بەكەتتەرگە بەرىلەدى. بۇل سايتتى ىسكە قوسۋ ارقىلى ءبىز كوپتەگەن كاسىپورىنداردىڭ ءوز تانىستارى مەن تۋىستارىنا انىقتاما الىپ بەرۋ سياقتى زاڭسىزدىقتاردىڭ جولىنا توسقاۋىل قويا الدىق. كۇشەيتىلگەن كارانتين كەزىندە قالاعا كىرىپ-شىعۋدى شەكتەۋ شارالارى تۇرعىندارىمىزدىڭ دەنساۋلىعى مەن قاۋىپسىزدىگىن ساقتاۋعا باعىتتالىپ وتىر» دەدى قالا اكىمى.
Stopcovid.kz سايتىنا 8 ساۋىردەن بۇگىنگى كۇنگە دەيىن 7 338 ۇيىم مەن كاسىپورىننان سۇرانىس كەلىپ تۇسكەن. سولاردىڭ ىشىندە 1732 ءوتىنىش ماقۇلدانىپ, 1959 وتىنىشتەن باس تارتىلعان. بۇل وتىنىشتەر سالالىق باسقارمالار ارقىلى ءجىتى زەردەلەنىپ, قورىتىندىلار بەرىلۋدە.
باتىس قازاقستان وبلىسىنىڭ باس مەملەكەتتىك سانيتاريالىق دارىگەرىنىڭ قاۋلىسىنا سايكەس ورال قالاسى اۋماعىنداعى كىرەبەرىستەرىندە 9 بلوك-بەكەت ورناتىلعان بولاتىن. قازىر وبلىستىڭ بارلىق اۋداندارىنان بلوك-بەكەتتەن وتۋگە رۇقسات بەرىلگەن 2114 ءتىزىم بار. ولار نەگىزىنەن اۋىل دۇكەندەرىنە ازىق-ت ۇلىك تاسيتىن, باسقا دا كۇندەلىكتى تىرشىلىكتى قامتاماسىز ەتەتىن تۇلعالار. قالا ماڭىندا تۇراتىن تۇرعىندار دا بلوك-بەكەتتەن جۇمىس ورنىنان بەرىلگەن انىقتاماعا سايكەس وتەدى.
باتىس قازاقستان وبلىسى رەسەي فەدەراتسياسىمەن شەكارادا تۇرعاندىقتان, ترانزيتتىك جۇك كولىكتەرى دە اعىلىپ جاتقانى بەلگىلى. ولاردىڭ ورال قالاسى اۋماعىنان توقتاۋسىز ءوتۋىن جول پوليتسياسى ءپاترۋلىن قاداعالايدى. ياعني قالا اۋماعىنداعى 9 بلوك-بەكەتتىڭ ماڭىنا 10-20 ترانزيتتىك جۇك كولىگىن توپتاپ جيناپ الىپ, كولونا تارتىبىمەن جول پوليتسياسى ءپاترۋلى الدى-ارتىنان ءجۇرىپ وتىرىپ, كەلەسى بلوك-بەكەتتەن توقتاۋسىز وتكىزىپ جىبەرەدى. ولاردىڭ جەرگىلىكتى تۇرعىندارمەن, باسقا ادامدارمەن قارىم-قاتىناسى شەكتەلگەن.
سونداي-اق 8 ساۋىردەن باستاپ ورال قالاسىنداعى كۇشەيتىلگەن كارانتين رەجىمىنىڭ ءتارتىبىن ساقتاۋ ماقساتىندا تۇرعىنداردىڭ قالا ىشىندە جەكە كولىكتەرىمەن ساعات 21:00-دەن 6:00-گە دەيىن قوزعالىسى شەكتەلدى.
ال كارانتين كەزىندە قالا تۇرعىندارىنا قالا ىشىندەگى جانە سىرتىنداعى ساياجايلارعا سەنبى جانە جەكسەنبى كۇندەرى بارۋعا رۇقسات ەتىلدى. ورال قالاسى اۋماعىندا 176 باۋ-باقشا سەرىكتەستىگى ورنالاسقان, ونىڭ ىشىندە 20 مىڭداي تەلىم تۇراقتى پايدالانۋدا. باۋ-باقشا سەرىكتەستىگىندە 5,8 مىڭ وتباسى, ياعني 18 مىڭ ادام تۇراقتى تۇرىپ جاتىر. ولار ءوز وتباسى مۇشەلەرىنىڭ تىنىس-تىرشىلىگىن قامتاماسىز ەتۋ ءۇشىن قاجەتتىلىگىنە قاراي رۇقسات ەتىلگەن ساعاتتاردا كۇن سايىن قوزعالۋعا قۇقىلى.
باتىس قازاقستان
