كونفەرەنتسيانى ۇيىمداستىرۋداعى باستى ماقسات – ستۋدەنتتەر مەن جاس عالىمداردىڭ عىلىمي-زەرتتەۋ جانە وقۋ-اعارتۋ قىزمەتىن دامىتۋ, جاس عالىمداردىڭ عىلىم سالاسىنداعى وزەكتى ماسەلەلەردى شەشۋگە قاتىستى ۇسىنىستارىن تىڭداۋ, ءارى تالانتتى جاستاردى قولداي وتىرىپ ينتەللەكتۋالدى ورتا قالىپتاستىرۋ.
– ەلىمىزدە قالىپتاسىپ وتىرعان جاعدايعا بايلانىستى بيىلعى جىلى كونفەرەنتسيا العاش رەت ونلاين رەجيمىندە ءوتتى. جالپى, حيميا جانە حيميالىق تەحنولوگيا فاكۋلتەتىندە 9 سەكتسيا جۇمىس ىستەدى. مەن جانە حيميا عىلىمدارىنىڭ كانديداتى ازىمبەك قوقانباەۆ جەتەكشىلىك ەتكەن «كوللويدتىق حيميا جانە پوليمەرلەر حيمياسى» سەكتسياسىندا وتىزعا جۋىق بايانداما جاسالدى. وسىلاردىڭ ىشىندە بەس بايانداماشىنىڭ جۇمىسى ماقتاۋ قاعازىمەن, ءۇش ستۋدەنت – III-دارەجەلى, ەكى ستۋدەنت – II-دارەجەلى جانە ءبىر ستۋدەنت I-دارەجەلى ديپلوممەن ماراپاتتالدى. سونىمەن بىرگە, ەڭ ۇزدىك عىلىمي جۇمىستارعا قارجىلاي دا جۇلدە بەرىلەدى, – دەيدى كونفەرەنتسيا سەكتسيالارى جەتەكشىلەرىنىڭ ءبىرى, حيميا جانە حيميالىق تەحنولوگيا فاكۋلتەتىنىڭ دوتسەنتى پەريزات ۇركىمباەۆا.
الماتى
