اعىمداعى جىلدىڭ 25 ناۋرىزىنان باستاپ 120 اسكەري قىزمەتشى جانە 3 ارس-14 (اۆتو قۇيۋ ستانتسياسى) اسكەري تەحنيكاسىنىڭ كۇشىمەن قالا جاعالاۋى اۋماعى, سونداي-اق نۇرسۇلتان نازارباەۆ داڭعىلى بويىنداعى بارلىق ىقشام اۋداندارىندا سانيتارلىق جۇمىستار جۇرگىزدى.
دەزينفەكتسيا تۇرعىن ۇيلەردىڭ جانە وعان ىرگەلەس اۋماقتاردىڭ, ويىن الاڭدارىنىڭ, الاڭدار مەن ساياباقتاردىڭ, مەملەكەتتىك ورگانداردىڭ اۋماقتارى, بازارلار جانە اۋەجاي ۋچاسكەلەرىندە جۇرگىزىلەدى.
ءىس-شارالاردى وتكىزۋ ءۇشىن جەكە قۇرام ارنايى جابدىقتارمەن, گازسىزداندىراتىن قورعانىش جيىنتىقتارىمەن, سونىمەن قاتار دەزينفەكتسيالىق ەرىتىندىمەن قامتاماسىز ەتىلگەن.
-ءبىز قولداناتىن ەرتىندىلەر ادامدار مەن جانۋارلار ءۇشىن قاۋىپسىز جانە 5 ساعاتقا دەيىن ارەكەت ەتەدى. ءبىز 1 توننا سۋ ءۇشىن 450 گرامم «رۋبەج» قوسپاسىن نەمەسە 16 كيلو ناتري گيپوحلوريتىنى قولدانامىز. بۇگىنگى تاڭدا قالا اۋماعىندا 70 نىساندا زالالسىزداردىرۋ جۇمىستارى اياقتالدى, دەيدى «باتىس» وڭىرلىك قولباسشىلىعىنىڭ رادياتسيالىق, حيميالىق جانە بيولوگيالىق قورعانىس كۇشتەرىنىڭ باستىعى الماس نەسىپقاليەۆ.
جالپى كارانتين رەجيمىن قامتاماسىز ەتۋ شارالارى اياسىندا اقتاۋ قالاسىنا 300-گە جۋىق اسكەر جۇمىلدىرىلعان. دەزينفەكتسيادان باسقا اسكەري قىزمەتشىلەر باقىلاۋ-وتكىزۋ پۋنكتتەرىندە جانە قالانى كۇزەتۋمەن اينالىسادى.
