ەلىمىزدە جاريالانعان توتەنشە جاعدايعا بايلانىستى كوكپەكتى اۋدانىندا ء«بىز بىرگەمىز» اكتسياسى جۇزەگە اسىرىلىپ جاتىر. اۋىلدىق وكرۋگ اكىمدەرى اۋدان كاسىپكەرلەرمەن بىرلەسىپ, مۇقتاج جاندارعا قول ۇشىن سوزۋدا.
«اۋدان كاسىپكەرلەرى اۋىلدىق وكرۋگ اكىمدەرىمەن بىرلەسە وتىرىپ, كومەككە مۇقتاج جاندارعا ەت, ازىق-ت ۇلىك تاۋارلارى جانە مەديتسينالىق بەتپەردەلەر تاراتتى. جالپى اۋدان كولەمىندە ء«بىز بىرگەمىز» اكتسياسى اياسىندا 4 ميلليون, 697 مىڭ تەڭگەنىڭ سوماسىنا 572 مۇقتاج جانعا كومەك كورسەتىلدى.
وسىنداي دۇربەلەڭ كەزەڭدە اۋدان تۇرعىندارىنا قول ۇشىن سوزۋدا ەرەكشە قايىرىمدىلىق جاساۋمەن كوزگە تۇسكەن بولات بەكبەردينوۆ, جۇمابەك كۇشىكپاەۆ, سايدىعالي يبرايموۆ, ەرجان قويگەلدين, قانات تىلەبالدين, مۇسا نۇعىسپانوۆ, مەرحات شاكەرحانوۆ سىندى جومارت ازاماتتاردى اتاپ وتۋگە بولادى» دەيدى كوكپەكتى اۋداندىق ىشكى ساياسات ءبولىمىنىڭ باسشىسى ازامات حالىقوۆ.
اۋداندا تۇرعىنداردى بەتپەردەمەن قامتاماسىز ەتۋ جۇمىستارى دا جولعا قويىلعان. بۇگىنگى كۇنى كوكپەكتى اۋدانىندا كۇنىنە 1200 بەتپەردە تىگىلىپ, تۇرعىندارعا تاراتىلۋدا. بۇگىنگى كۇنى كوكپەكتى اۋدانىنىڭ 21542 تۇرعىنى (78%), ونىڭ ىشىندە 3146 تۇرعىنى تەگىن بەتپەردەلەرمەن قامتاماسىز ەتىلىپتى.
شىعىس قازاقستان وبلىسى,
كوكپەكتى اۋدانى
